Hector Archibald MacDonald
Sir Hector Archibald MacDonald (4 Maart 1853 – 25 Maart 1903) was 'n Britse soldaat. Hy is in 1853 in Dingwall, Skotland, gebore. Hy sluit op 17-jarige ouderdom by die Gorden Highlanders aan as 'n manskap. Hy onderskei homself in Brits-Indië waar hy tot tweede luitenant bevorder is en verwerf verdere roem met sy dapperheid in 1881 by Majuba. Hy doen diens in Egipte en Soedan en word bevorder tot Generaal-majoor. Hy word in 1900 met die uitbreek van die Tweede Vryheidsoorlog na Suid-Afrika gestuur. Een van sy suksesse was die voorbereiding tot die ontsetting van Kimberley en die gevegte wat gelei het tot die oorgawe van generaal Piet Cronje by Paardeberg en van generaal Marthinus Prinsloo by Tabaksberg. Hy keer terug na Indië, maar word die slagoffer van lasterlike beskuldigings en pleeg in 1903 selfmoord in Parys.
| Hector Archibald MacDonald | |
|---|---|
 Generaal-majoor Sir Hector Archibald MacDonald (1853–1903), KCB, DSO, portret deur Ernest H. Longdon. | |
| Bynaam(e) | Vegtende Mac |
| Geboortedatum | 4 Maart 1853 |
| Geboorteplek | Black Isle, Skotland |
| Sterfdatum | 25 Maart 1903 (op 50) |
| Sterfplek | Parys, Frankryk |
| Lojaliteit | .svg){kind=small} Verenigde Koninkryk |
| Jare in diens | 1870–1903 |
| Rang | Generaal-majoor |
| Poste beklee | Highland Brigade |
| Veldslae/oorloë | Tweede Anglo-Afghaanse Oorlog Eerste Vryheidsoorlog Soedan-veldtog Tweede Vryheidsoorlog |
| Toekennings | Knight Commander of the Order of the Bath Distinguished Service Order |
Bronne
- Rosenthal, Eric (red.). Ensiklopedie van Suidelike Afrika. Londen en New York: Frederick Warne & Kie Bpk.
Eksterne skakels
Wikimedia Commons het meer media in die kategorie Hector Archibald MacDonald.
