New General Catalogue of Nebulae and Clusters of Stars
Die New General Catalogue of Nebulae and Clusters of Stars (afgekort as NGC) is ’n bekende sterrekunde-katalogus van diepruimtevoorwerpe wat in 1888 deur John Louis Emil Dreyer opgestel is[1] as ’n nuwe weergawe van John Herschel se Catalogue of Nebulae and Clusters of Stars.
Inhoud
Die NGC bevat 7 840 voorwerpe, bekend as NGC-voorwerpe. Dit is een van die mees omvattende katalogusse omdat dit alle soorte diepruimtevoorwerpe insluit en nie net een soort soos byvoorbeeld sterrestelsels nie. Dreyer het twee byvoegsels tot die NGC gepubliseer bekend as die Index Catalogues (afgekort as IC). Die eerste een (1895) bevat 1 520 voorwerpe[2] en die tweede een (1908) 3 866 voorwerpe.[3] Dit is ’n totaal van 5 386 IC-voorwerpe.
Voorwerpe in die lugruim van die Suidelike Halfrond word nie so deeglik gedek nie, hoewel baie van hulle deur John Herschel of James Dunlop waargeneem is.
Hersiene weergawes
Daar was baie foute in die NGC, maar ’n ernstige poging om die meeste daarvan uit te skakel, is in 1993 deur die NGC/IC Project begin[4] ná minder geslaagde pogings deur Sulentic en Tifft met hul Revised New General Catalogue (RNGC) in 1973[5] en Sinnott met sy NGC2000.0 in 1988.[6][7]
Die Revised New General Catalogue and Index Catalogue (RNGC/IC) is in 2009 deur Wolfgang Steinicke gepubliseer.[8] Dit word beskou as een van die mees omvattende en gesaghebbende weergawes van die NGC en IC.[9][10]
Sien ook
Verwysings
Eksterne skakels
- The Interactive NGC Catalog Geargiveer 1 November 2006 op Wayback Machine, SEDS
- The Amateur Photographic NGC Catalog Geargiveer 14 Mei 2011 op Wayback Machine
- The NGC/IC Project Geargiveer 14 November 2015 op Wayback Machine
- Wikimedia Commons het meer media in die kategorie NGC-voorwerpe.
- Wikimedia Commons het meer media in die kategorie IC-voorwerpe.
- Hierdie artikel is vertaal uit die Engelse Wikipedia