Navi Pillay
Navanethem "Navi" Pillay (gebore 23 September 1941) is 'n Suid-Afrikaanse juris wat van 2008 tot 2014 as die Verenigde Nasies se Hoë Kommissaris vir Menseregte gedien het. 'n Suid-Afrikaner van Indiese Tamilse oorsprong, sy was die eerste nie-blanke vroulike regter van die Hooggeregshof van Suid-Afrika.
| Navi Pillay | |
 Navi Pillay in 2014 | |
Verenigde Nasies se Hoë Kommissaris vir Menseregte | |
| Ampstermyn 1 September 2008 – 31 Augustus 2014 | |
| Vise | Kang Kyung-wha Flavia Pansieri |
|---|---|
| Voorafgegaan deur | Louise Arbour |
| Opgevolg deur | Prins Zeid bin Ra'ad |
Internasionale Strafhof-regter | |
| Ampstermyn 11 Maart 2003 – 31 Augustus 2008 | |
President van die Internasionale Straftribunaal vir Rwanda | |
| Ampstermyn 1999 – 2003 | |
| Voorafgegaan deur | Laity Kama |
| Opgevolg deur | Erik Møse |
Regter van die Internasionale Straftribunaal vir Rwanda | |
| Ampstermyn 1995 – 2003 | |
Regter van die Hooggeregshof van Suid-Afrika | |
| Ampstermyn 1995 – 1995 | |
Persoonlike besonderhede | |
| Gebore | Navanethem Pillay 23 September 1941 Durban, Natalprovinsie, Unie van Suid-Afrika |
| Eggenoot/-note | Gaby Pillay |
| Alma mater | Universiteit van Natal Harvard Law School |
Sy het ook as 'n regter van die Internasionale Strafhof en president van die Internasionale Straftribunaal vir Rwanda gedien. As die Verenigde Nasies se Hoë Kommissaris vir Menseregte is Pillay in September 2014 deur Prins Zeid bin Ra'ad opgevolg. In April 2015 word Pillay die 16de Kommissaris van die Internasionale Kommissie teen die doodstraf.[1]
Vroeë lewe
Pillay is gebore in 1941 in 'n verarmde omgewing van Durban, Natalprovinsie, in die destydse Unie van Suid-Afrika.[2] Sy is van Tamilse afkoms en haar vader was 'n busbestuurder. In Januarie 1965 trou sy met mede-prokureur Gaby Pillay.[3] Hulle het twee dogters.[4]
As gevolg van skenkings van haar plaaslike Indiese gemeenskap verwerf Pillay 'n BA in 1963 en 'n LLB in 1965 aan die Universiteit van Natal.[5][6]
Sy het later die Harvard Law School bygewoon, waaraan sy in 1982 'n LLM en in 1988 'n doktorsgraad in regswetenskap verwerf het. Pillay is die eerste Suid-Afrikaner wat 'n doktorsgraad in reg aan die Harvard Law School verwerf het.[7][8]
Verwysings
Eksterne skakels
Wikimedia Commons het meer media in die kategorie Navi Pillay.
