Roosj Hasjana
Roosj Hasjana (Hebreeus: ראש השנה, hoof van die jaar) is die Joodse nuwejaar, wat twee dae duur en plaasvind op die eerste en tweede dag van die eerste Joodse maand Tisjrie (volgens die Gregoriaanse kalender in September of Oktober).Roosj Hasjana is 'n tyd van gebed en inkeer, en in die sinagoge word die sjofar (ramshoring) honderd keer geblaas. Die Jode wens mekaar sjana towa, wat 'gelukkige nuwejaar' beteken, eet appels met heuning en doen tasjliech.
Die fees Roosj Hasjana is ingestel in Wajikra/Levitikus 23,24[1] en Bemidbar/Numeri 29,1[2] maar die eerste aanduiding van viering is in Jegezkel/Esegiël 40,1.[3]
Datums
Roosj Hasjana is volgens die Joodse kalender op 1 Tisjrie, die werklike viering begin egter altyd met sonsondergang op die vooraand (omdat 'n dag met sononder begin). Aangesien maande in die Joodse kalender altyd na die maan bereken word, wissel die datum van hierdie dag volgens die Gregoriaanse kalender.
| Jaar in die Joodse kalender | Datum in die Gregoriaanse kalender |
|---|---|
| 5778 | 20–22 September 2017 (Wo/Do/Vr) |
| 5779 | 9–11 September 2018 (So/Ma/Di) |
| 5780 | 29 September – 1 Oktober 2019 (So/Ma/Di) |
| 5781 | 18–20 September 2020 (Vr/Sa/So) |
| 5782 | 6–8 September 2021 (Ma/Di/Wo) |
| 5783 | 25–27 September 2022 (So/Ma/Di) |
| 5784 | 15–17 September 2023 (Vr/Sa/So) |
| 5785 | 2–4 Oktober 2024 (Wo/Do/Vr) |
| 5786 | 22–24 September 2025 (Ma/Di/Wo) |
| 5787 | 11–13 September 2026 (Vr/Sa/So) |
| 5788 | 1–3 Oktober 2027 (Vr/Sa/So) |
| 5789 | 20–22 September 2028 (Wo/Do/Vr) |
| 5790 | 9–11 September 2029 (So/Ma/Di) |
| 5791 | 27–29 September 2030 (Vr/Sa/So) |
Sien ook
- Lys van Joodse feeste en herdenkings
- Chinese Nuwejaar in die Chinese kalender
- Oujaarsaand en Nuwejaarsdag in die Gregoriaanse kalender
Verwysings
Verdere leesstof
- (en) Angel, Marc (2000). Exploring Sephardic Customs and Traditions. Hoboken, N.J.: KTAV Pub. House in association with American Sephardi Federation, American Sephardi Federation – South Florida Chapter, Sephardic House. ISBN 0-88125-675-7.
Eksterne skakels
- (en) "Rosh Ha-Shanah". Jewish Encyclopedia. Besoek op 11 Januarie 2019.
- (en) "Rosh Hashana". Encyclopædia Britannica. Besoek op 11 Januarie 2019.