SV Wehen

SV Wehen

Volledige naamSportverein Wehen
1926 Taunusstein e.V. (vanaf Augustus 2007:
Sportverein Wehen-Wiesbaden 1926 e.V.
)
Stigtingsdatum1 Januarie 1926
TuisveldBrita-Arena Wiesbaden
Kapasiteit13 000
Kompetisie3. Liga

SV Wehen is 'n Duitse sokkervereniging uit die dorp Taunusstein in die deelstaat Hessen, naby die stad Wiesbaden. Wehen is 'n buurt van Taunusstein en was voor 1971 'n onafhanklike dorp.

Die vereniging is op 1 Januarie 1926 met 39 lede opgerig. In 1933 is die klub opgehef deur die Nazi-regime, maar dis in 1946 heropgerig.

Wehen het vir jare in die lae ligas meegeding, maar die klub se opmars het begin toe Heinz Hankammer van BRITA-waterfiltreringsisteme as hoofborg en voorsitter oorgeneem het. In 1982 was die klub nog in die kreisliga van Wiesbaden en in 1996 word die Regionalliga die eerste keer gehaal, die derde vlak van Duitse sokker. In 2005 is promosie na die 2. Bundesliga met slegs een punt gemis.

Die klub verwag om in 2007 promosie na die 2. Bundesliga te kry en as gevolg hiervan beplan die klub om sy stadion op te gradeer. Verder wil die klub ook na Wiesbaden verskuif om 'n meer volhoubare basis te skep vir 'n voltydse professionele sokkerspan.

Vanaf Augustus 2007 sal die Stadion an der Berliner Straße in Wiesbaden as tuisveld gebruik word. Hierdie stadion het 'n kapasiteit van 12 000 en is ook die tuisveld van SV Wiesbaden, wat tans in die Landesliga meeding. Intussen word onderhandel om 'n nuwe stadion saam met die nabygeleë FSV Mainz 05 op te rig met 'n kapasiteit van 30 000 tot 35 000. Indien die onderhandelinge nie realiseer nie, sal die klub 'n nuwe sokkerstadion in Wiesbaden oprig.

Onlangse ligaposisionering

  • 1987-88(IV)Landesliga Hessen-Sentraal5de
  • 1988-89(IV)Landesliga Hessen-Sentraal1ste
  • 1989-90(III)Am.Oberliga Hessen4de
  • 1990-91(III)Am.Oberliga Hessen4de
  • 1991-92(III)Am.Oberliga Hessen4de
  • 1992-93(III)Am.Oberliga Hessen4de
  • 1993-94(III)Am.Oberliga Hessen4de
  • 1994-95(III)Regionalliga Suid17de
  • 1995-96(IV)Oberliga Hessen9de
  • 1996-97(IV)Oberliga Hessen1ste
  • 1997-98(III)Regionalliga Suid13de
  • 1998-99(III)Regionalliga Suid6de
  • 1999-00(III)Regionalliga Suid14de
  • 2000-01(III)Regionalliga Suid11de
  • 2001-02(III)Regionalliga Suid6de
  • 2002-03(III)Regionalliga Suid7de
  • 2003-04(III)Regionalliga Suid7de
  • 2004-05(III)Regionalliga Suid3de
  • 2005-06(III)Regionalliga Suid3de
  • 2006-07(III)Regionalliga Suid
  • 2007-08 (II) 2. Bundesliga

Eksterne skakels

3. Liga 2010/11-seisoen

Rooiwit Ahlen - SV Babelsberg 03 - 1. FC Heidenheim 1846 - FC Hansa Rostock - Kickers Offenbach - FC Rooiwit Erfurt - SpVgg Unterhaching - FC Bayern München II - SV Sandhausen - VfB Stuttgart II -
Eintracht Brunswyk - TuS Koblenz - Dynamo Dresden - SV Wacker Burghausen - SV Wehen - VfR Aalen - SSV Jahn Regensburg - FC Carl Zeiss Jena - SV Werder Bremen II - 1. FC Saarbrücken