Gottfried Weilenmann

Dr Gottfried (Göpf) Weilenmann (* 29. Merz 1920 z Amerschwiil; † 8. Novämber 2018 z Lugano^[1]) isch e Schwyzer Radsportler gsii.

Gottfried Weilenmann

Personedate
Spitzname	Göpf
Geburtsdatum	29. März 1920
Sterbedatum	8. November 2018
Nation	Schweiz Schwiz
Disziplin	Straße
Karriereänd	1953
Wichtigsti Erfolg
UCI-Straßen-Weltmeisterschaften 1952 - Straßenrennen
Infobox zletzt aktualisiert: 16. November 2018

Scho as Amateur isch dr Gottfried Weilenmann Schwyzer Maischter im Stroßeränne in syre Klass wore. 1945 isch er Profi wore. Anne 1949 het er si entschide, ass er bi dr Tour de Suisse mitfahrt, wu s ghaiße het, ass di beede Schwyzer Star Hugo Koblet un Ferdy Kübler nit an dr Start deete goo.^[2] Är het d Rundfahrt mit nyyn Sekunde Vorsprung gwunne, drotz ass er kai ainzigi Etappe gwunne het. 1952 het er bi dr Stroßewältmaischterschafte z Luxemburg di Silbermedallie gwunne un isch au nationale Maischter im Stroßeränne wore.

Sibe Mol isch dr Weilenmann bi dr Tour de France un em Giro d’Italia mitgfahre, syni bescht Blatzierig isch Rang zwelf bi dr Tour anne 1952 gsii. Bi dr Tour de Suisse isch er au sibe Mol an Start gange. Im Johr het er mit em Profisport ufghert.

Dr Gottfried Weilenmann isch e eltere Brueder zum Radrännfahrers Leo Weilenmann gsii. Är isch im Novämber 2018 im Alter vu 98 Jahren in eme Seniorehaim z Lugano gstorbe.^[1]