Loveparade
D Loveparade (au Love Parade oder Love-Parade gschribe) isch e Technoparade gsi, wu alljohr durgfiert woren isch. Mit rund zwelf Millione Bsuecher syt ihre Grindig isch si di grescht Danzveraastaltig vu dr Wält gsi. Vu 1989 bis 2006 het si z Berlin stattgfunde, in dr Johre 2007, 2008 un 2010 in verschidene Stedt im Ruhrgebiet. 2004, 2005 un 2009 isch d Parade uusgfalle. Bi dr 19. Loveparade am 24. Juli 2010 z Duisburg isch s im Yygangsberaich zuen eme Uuglick un ere Massepanik chuu, wu s 21 Dodesopfer derbyy gee het, 511 Lyt sin zem Deil schwär verletzt wore. Dää Vorfall het international Bedroffeheit uusglest un isch wältwyt in dr Medie bhandlet wore. Dr Organisator vu dr Loveparade 2010, dr Unternämmer Rainer Schaller, het am Dag no dr Katastrof mitdeilt, ass es zuechimftig kei Loveparade me git in dr bishärige Form.
Gschicht
Di erscht Loveparade isch im Summer 1989 vum Matthias Roeingh alias Dr. Motte in Zämmearbet mit syyre dertige Fryndi Danielle de Picciotto iniziiert wore. Vu urspringli 150 Bedeiligte isch die Veraastaltig uf rund 1,5 Millione Bsuecher anne 1999 aagwagse. Noch ere Paus in dr Johre 2004 un 2005 het d Loveparade mit eme gänderete Konzäpt 2006 wider z Berlin stattgfunde, no Aagabe vum Veraastalter Loveparade Berlin GmbH un em Senat mit iber eire Million Bsuecher. Di negscht Loveparade het eigetli am 7. Juli 2007 sotte stattfinde, isch aber im Februar vum Veraastalter abgsait wore. As Grund doderfir isch aagee wore, ass dr drotz dr absgchlossene Blanig un dr gsicherete Finanzierig no kei Gnähmigung dur d Stadt Berlin vorgläge sej.
Dr Veraastalter het in ganz Europa e neji Partnerstadt gsuecht. Am 15. Juni 2007 het d Wirtschaftsferderigsgsellschaft metropoleruhr GmbH mitdeilt, ass d Loveparade fir fimf Johr in s Ruhrgebiet umziech. Am 25. Augscht 2007 het si mit rund 1,2 Millione Bsuecher z Essen stattgfunde, am 19. Juli 2008 mit rund 1,6 Millione Bsuecher z Dortmund un am 24. Juli 2010 z Duisburg mit 1,4 Millione Bsuecher[1]. 2011 hätt d Loveparade z Gelsenkirchen stattfinde solle.
| Datum | Motto | Hymne | Stadt |
|---|---|---|---|
| 1. Juli 1989 | Friede, Freude, Eierkuchen | Berlin | |
| 7. Juli 1990 | The Future Is Ours | Berlin | |
| 6. Juli 1991 | My House Is Your House And Your House Is Mine | Berlin | |
| 4. Juli 1992 | The Worldwide Party People Weekend | Berlin | |
| 3. Juli 1993 | Fifth Anniversary | Berlin | |
| 2. Juli 1994 | The Spirit Makes You Move | Berlin | |
| 8. Juli 1995 | Peace on Earth | Berlin | |
| 13. Juli 1996 | We Are One Family | Berlin | |
| 12. Juli 1997 | Let the Sunshine In Your Heart | Sunshine | Berlin |
| 11. Juli 1998 | One World One Future | Loveparade 1998 | Berlin |
| 10. Juli 1999 | Music Is The Key | Music Is The Key | Berlin |
| 8. Juli 2000 | One World One Loveparade | Loveparade 2000 | Berlin |
| 21. Juli 2001 | Join the Love Republic | You Can’t Stop Us | Berlin |
| 13. Juli 2002 | Access Peace | Access Peace | Berlin |
| 12. Juli 2003 | Love Rules | Love Rules | Berlin |
| 2004 (uusgfalle) | — | — | — |
| 2005 (uusgfalle) | — | — | — |
| 15. Juli 2006 | The Love Is Back | United States Of Love | Berlin |
| 25. August 2007 | Love Is Everywhere | Love Is Everywhere (New Location) | Essen |
| 19. Juli 2008 | Highway To Love | Highway To Love | Dortmund |
| 2009 (uusgfalle) | — | — | Bochum (blant) |
| 24. Juli 2010 | The Art Of Love | The Art Of Love | Duisburg |
Lueg au
Fueßnotte
Weblink
Commons: Loveparade – Sammlig vo Multimediadateie- Offiziälli Syte Loveparade/Lopavent GmbH
- Love Parade 1989–2002 un Street Parade 1992–2001 im Verglyych
- Dr. Motte zum 20. Jubiläumsjohr vu dr Loveparade: Wir donnerten unseren Sound in die Stadt. In: Spiegel Online
- Artikel "Die Loveparade-Panik im Internet" uf heise.de
 | Dä Artikel basiert uff ere fräie Übersetzig vu dere Version vum Artikel „Loveparade“ vu de dütsche Wikipedia. E Liste vu de Autore un Versione isch do z finde. |