Oberhof AG

S Dorf lyt imene Taalchessel im Jura, im südleche Deil vom Fricktaal. Im Oschte isch d Gmeindgränze a de Bärghäng vom Striche und vom Aschperstriche. Südöschtlech vo däm isch der Bärgsaddel vom Bänkerjoch, wo e Passtrooss usem Fricktaal uf Aarau drüber goot.

Grad unden am Bänkerjoch, ganz im Taal hinde, lyt dr Wyyler Bänke.

Im Süüde goot d Gmeind bis uf e lang Graat vo dr Wasserfalle bis zur Salhöchi. Im Weschte louft d Gränze über d Bärgchetti mid em Räbechopf und dr Burgflue. Uf dr Nordsyte isch im Taal undedra d Gmeind Wölfliswyl.

Dr Name vom Dorf isch ane 1630 s erschte Mol in ere gschichtleche Kwelle erwäänt.

 Commons: Oberhof – Sammlig vo Multimediadateie

• Website vo dr Gmeind Oberhof
• Dominik Sauerländer: Oberhof. In: Historisches Lexikon vo dr Schwiiz.