Südbadenbus
| SBG Südbadenbus GmbH | |
|---|---|
 | |
| Basisinformatione | |
| Sitz vom Undernähme | Karlsruhe/Freiburg im Breisgau |
| Webpräsenz | www.suedbadenbus.de |
| Bezugsjohr | 2009 |
| Eigedümer | DB Regio AG |
| Gschäftsfüehrig | Manfred Hovenjürgen, Christian Hertel, Norman Einfeldt, Heike Schweizer |
| Beschäftigti | 619[1] |
| Linie | |
| Bus | 143 |
| Zahl vo de Fahrzüüg | |
| Omnibus | 247 |
| Statistik | |
| Fahrgest | 39,19 Mio. pro Jahr |
| Fahrleistig | 32,4 Mio. km pro Jahr |
| Haltstelle | 7200 |
| Iiwohner im Iizugsgebiet | 1,7 Mio. |
| Lengi vom Linienetz | |
| Buslinie | 4 940 km |
D Südbadenbus GmbH (Abk. SBG, bis 2015 SüdbadenBus) isch e Regionalbusundernähme mit Sitz in Friburg im Brisgau. Es isch e 100%igi Dochter vu dr DB Mobility Logistics AG un ghört demit dr Deutsche Bahn.
Undernähme
Näbe dr Zentrale z Friburg underhaldet d SBG Niderlassige z Villinge, z Waldshuet, z Radolfzell un z Friburg, wo fer s eigetlich Fahrgschäft zueständig sin. Usserdem werre, au im Uftrag vu dr Verkehrsverbünde, witteri siibe Verkaufsbüros (sognennti KundenCenter) betriibe.
Anno 1989 isch us dr domolige Bahnbusse s Undernähme as GmbH usgründet worre, nooch verschidene Umstrukturierige innerhalb vum Bahn-Konzern isch d SBG derzitt e 100% Dochter vu dr am 1. Jänner 2004 gründete DB Stadtverkehr GmbH.
S Undernähme het über 500 Mitarbeiter, devu 430 as Busfahrer un betribt mit Partnerundernähme 159 Buslinie. Die 225 Liniebusse stamme vu dr Hersteller MAN, Mercedes-Benz un Setra.
Linienetz
S Linienetz vu dr SBG reicht vu Basel im usserschte Südweschte bis uff Sulz am Neckar im Nordschwarzwald, im Oschte bis Sigmaringe un Konschtanz. Hauptsächlich lit s bedient Gebiit in dr bade-württebergische Landkreise Emmedinge, Brisgau-Hochschwarzwald, Lörrach, Waldshuet, dr Schwarzwald-Baar-Kreis, Rottwil, Duttlinge un Konschtanz sowie dr kleins Gebiit im Süde vum Ortenaukreis. Grenzüberschrittendi Linie gehn vu Mülle uf Milhüse sowie vu Brisach uf Colmar in Frankriich, sowie diversi Linie in d Schwiz zwische Basel un Bodesee.
Näbenem Regionalverkehr betribt d SBG Stadtbuslinie in Bad Säckinge, (Alt-)Brisach, Emmedinge, Chrenzach-Wyhle, Laufeburg, Leffinge, Radolfzell, Rhyfelde, Schiltach, Schramberg, Singe, Waldkilche un Waldshuet-Dienge.
D Linie vu dr SBG sin Deil vu dr einzelne Verkehrsverbünde in dr Gmeinde un Kreise. D SBG isch au Gsellschafteri in verschidene Verbünde.
Zämme mit dr beuftragte Partnerundernähme verfüegt d SBG über ungfähr 575 Busse bi ere Gsamtlinienlängi vu 5050 km. Jährlich werre über 38 Millione Fahrgäscht beförderet bi ere Verkehrsleischtig vu chnapp 32 Millione km.