Strängubach
Strängubach (amtlich Strengelbach) isch e Gmeind vom Bezirk Zofige im Kanton Aargau.
| Strängubach | |
|---|---|
 | |
| Basisdate | |
| Staat: | Schwiiz |
| Kanton: | Aargau (AG) |
| Bezirk: | Zofige |
| BFS-Nr.: | 4285 |
| Poschtleitzahl: | 4802 |
| Koordinate: | / 23657647° 16′ 45″ N, 7° 55′ 44″ O; CH1903: 637101 / 236576 |
| Höchi: | 433 m ü. M. |
| Flächi: | 6.03 km² |
| Iiwohner: | 4948 (31. Dezämber 2022)[1] |
| Website: | www.strengelbach.ch |
| Charte | |
 | |
Geografy
S Dorf lyt im Wiggertaal. Es isch am Weschtrand vo dr breite Ebeni. Im Oschte, wisawi vo Zofige, louft d Gmeindgränze dr Wigger und dr Autobaan A 2 noo. Im wytläufige Gmeindbann sind d Wiiler Dörfli, Hard, Äsch, Egg und Weier. Ganz im Norde vom Dorfbiet foot bim Wiggerwehr dr Kanal vom Äschwuhr aa.
Strängubach het zwöi grossi Waldareal, dr Dörfliwald und dr Ramooswald. Im Dörfliwald isch d Liechtig vo Sankt Ueli mid emene alte Puurehuus, wo under Dänkmolschutz stoot.
Z Strängubach hets zwöi Industrie- und Gwärbgebiet mit vil Fabrigge. D Gwärbzone Bleichi-Wescht lyt zwüsche dr Wigger und dr Autobaan. Mid em Projäkt Hochwasserschutz Wigger wott dr Kanton Aargau das Gebiet vor emene Hochwasser vo dr Wigger schütze.[2]
D Nochbergmeinde vo Strängubach sind Rootrischt, Oftrige, Zofige, Brittnau und Voremwald.
Gschicht
Dr Name vom Dorf isch im Joor 1263 s erschte Mool erwäänt worde.
Bevölkrig
De Iwohnerzahl entwicklet sich wie s folgt:[3]
| Johr | 1850 | 1900 | 1930 | 1950 | 1960 | 1970 | 1980 | 1990 | 2000 | 2010 | 2020 | 2021 |
| Iwhohner | 1284 | 1346 | 1726 | 2439 | 2934 | 3960 | 3815 | 4085 | 4266 | 4550 | 4859 | 4932 |
Weblink
Commons: Strängubach – Sammlig vo Multimediadateie- Website vo dr Gmeind Strängubach
- Christian Lüthi: Strengelbach In: Historisches Lexikon vo dr Schwiiz.
