Zwiifalda
Zwiifalda (dt. Zwiefalten) ischt a Gmoed em Landkreis Reitlenga en Bada-Wirdaberg am Rand vo dr Schwäbischa Alb, ond zwar dô, mô des Middlgebirge zor Donau zua mit-ma leichda Gefelle auslauft.
| Wappa | Deitschlandkart | |
|---|---|---|
 |
| |
| Basisdata | ||
| Bundesland: | Bade-Wirttebärg | |
| Regierongsbezirk: | Dibenga | |
| Landkroes: | Reitlenga | |
| Heh: | 538 m i. NHN | |
| Fläch: | 45,4 km² | |
| Eiwohner: | 2323 (31. Dez. 2022)[1] | |
| Bevelkerongsdicht: | 51 Eiwohner je km² | |
| Boschtloetzahl: | 88529 | |
| Vorwahl: | 07373 | |
| Kfz-Kennzoeche: | RT | |
| Gmoedsschlissel: | 08 4 15 085 | |
| NUTS: | DE166 | |
| Adress vo dr Gmoedsverwaltong: | Marktplatz 3 88529 Zwiefalten | |
| Webpräsenz: | ||
| Schuldes: | Matthias Henne | |
| Lag vo de Gmoed Zwiefalten em Landkroes Reitlenga | ||
 | ||
| Dialäkt: Schwäbisch |
Dr Nama ond d geografischa Lag
Des Derfle leit en zwoe Wiisadäler vo dr Zwiifalder Aach ond vom Kesslbach. Dr sell wuud manchmôl au d Kessl-Aach gnannt. Dia zwoe Bäch hend-em Ort da Nama gäa: A Daal vo dr Aach, mô zwoemol gfaldet wôrra ischt. D Hehalag erschdreckt sich vo 540 bis 760 m ibr-em Meer. D Gmarkong setzt sich zemme ous 38 % Landwirtschaftsfleche, 53,8 % Wald, 6,7 % Sidlongsfleche ond 1,5 % sonschticher Fleche.[2]
Gmoedsgliderong
Zo Zwiifalda gheret d Ortsdoel Gaugna/Gauenga (Gauingen), Mesenga/Mersenga (Mörsingen), Sondrbuach (Sonderbuch), Upflameer (Upflamör) ond Zwiifalda.
Gschicht
Zwiifalda ischt zom erschte Môl gnannt wôrra em Jôhr 904 („Zwivaltum“). 185 Jôhr schbätr hend sich en deam Flecka a baar Benedigdinermench vom Kloschtr Hirsau niidrglau ond a neis Kloschtr grendet, wo 1750 schliaßlich zor Reichsabtei erhoba wôrra ischt. Abr scho em Jôhr 1803 isch dees em Rahma vo dr Säkularisazioo mit Gwalt uffgleest wôrra ond 1806 en da Besitz vom Keenigreich Wirdaberg komma. Des hôt vorôôlasst, dass en sellem graußa Gebeide 1812 a keeniglich-wirdabergischa Heilôstalt errichdet wôrra ischt. De sell hôt nôch-em Zwoeda Weltkriag da Nama „Psychiatrisches Landeskrankenhaus“ kriagt ond hoeßt heit „Zentrum für Psychiatrie der Münsterklinik Zwiefalten“.
Vrwaldong
Zwiifalda hot sich mit dr Stadt Hoegna ond dr Gmoed Pfrãõschdedda zom Gmoedverwaldongsvrband "Zwiifalda-Hoegna" mit Sitz en Zwiifalda zammagschlossa.
Dr Schuldes von Zwiifalda isch seit 2014 dr Matthias Henne.
Wahla
Ergäbnis vo de Landdagswahla seid 2006:[3]
| Johr | CDU | SPD | FDP | Greane | Lenke1 | AfD | Sonschtiche |
| 2016 | 36,2 % | 15,2 % | 7,8 % | 26,6 % | 1 % | 11,5 % | 1,8 % |
| 2011 | 52,7 % | 24,3 % | 4,5 % | 11,6 % | 2,1 % | 4,7 % | |
| 2006 | 53,4 % | 29,9 % | 6 % | 4,6 % | 1,9 % | 4,3 % |
1 2006: WASG, seid 2011: Die Linke
Dialekt
Dr Dialekt vo Zwiifalda gheert zom Schwäbisch.
Quäll
„Landkreis Reutlingen“, vrschiidene Autora, Wir-Verlag Walter Weller, Aalen, 1989, ISBN 3-924492-09-3
Fueßnote
Weblink
Commons: Zwiefalten – Sammlig vo Multimediadateie