Balaenoptera musculus

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Balaenoptera musculus
Un dibuixo de ballena azul (Balaenoptera musculus) en comparanza con lo ser humán.
Denominacions populars
ballena azul, rorcual azul [1]
Estau de conservación
En periglo (IUCN)
Clasificación cientifica
Reino:	Animalia
Filo:	Chordata
Clase:	Mammalia
Orden:	Artiodactyla
Suborden:	Cetacea
Familia:	Balaenopteridae
Chenero:	Balaenoptera
Especie:	B. musculus
Descripción
Balaenoptera musculus Linnaeus, 1758
Distribución cheografica
Distribución d'a ballena azul (en color azul).

A ballena azul (Balaenoptera musculus (Linnaeus, 1758)^[2]) ye una especie de mamifero d'a orden d'os Artiodactyla y familia Balaenopteridae que aconseguindo una longaria maxima confirmada de 29,9 metros y un peso de dica 199 toneladas, ye l'animal mas gran que nunca haiga existiu.^[3] Lo cuerpo luengo y delgau d'a ballena azul puede tener cuantos tonos d'azul grisenco dorsalment y bella mas claro debaixo.^[4]

As ballenas azuls s'alimentan per filtración; a suya dieta consiste cuasi exclusivament en krill. Per un regular, son animals solencos u s'achuntan en chicoz grupos y no tienen una estructura social bien definida aparti d'os vinclos mai-fillo. A frecuencia fundamental d'as vocalizacions d'as ballenas azuls oscila entre 8 y 25 Hz y a producción de vocalizacions puede variar seguntes a rechión, a estación, o comportamiento y la hora d'o día.

A ballena azul bella vegada estió abundant en cuasi toz os ocians d'a Tierra dica zaguerías d'o sieglo XIX. Estió cazada cuasi dica lo punto d'extinción per os balleners dica que a Comisión Ballenera Internacional prohibió tota a caza de ballenas azuls en 1966. L'Unión Internacional pa a Conservación d'a Naturaleza ha incluyiu a las ballenas azuls como en periglo d'extinción a partir de 2018. Contina enfrontinando numbrosas menazas, como topetazos con barcos, contaminación, rudio oceanico, cambeo climatico y depredación d'orcas.