Chuguet

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Un chuguet^[1] u chuguete^[2][3] ye un obchecto destinato a chugar-ie y entretener-se-ie. Asociatos a lo tiempo d'ocio y a nineza por un regular, tamién pueden estar presents en diferents momentos d'a vida cotidiana de traza individual u en grupo. Bi ha chuguez ta ninos y ninas, adultos en cheneral y incluso ta animals com o gato u o can.

Os chuguez mos parlan d'a epoca historica en que naixioron y d'a sociedat que los facioron servir. En tot o mundo, o chuguete ha experimentato una evolución como consecuencia d'as nuevas tecnolochías y necesidaz que han ito surtindo.

Os chuguez ta ninos y ninas gosan diferir en tematica, tenendo por un regular un reflexo en a vida adulta d'a suya propia cultura. Asinas, por eixemplo, muitos chuguez ta ninas representan fainas adultas tipicament femeninas, como a crianza d'os ninons; mientres que muitos chuguez ta ninos incluyen tipicament elementos belicos u de acción: armas, automovils, caballos.