Fentanil
O fentanil (de l'anglés fentanyl, probablement una alteración de phenethyl[1]) ye un potent opioide de piperidina sintetico que se fa servir prencipalment como analchesico. Ye 50 vegadas mas potent que la heroína y 100 vegadas mas potent que la morfina; la suya prencipal utilidat clinica ye lo tractamiento d'o dolor en pacients con cáncer y aquels que se recuperan de cirurchías dolorosas. O fentanil tamién s'utiliza como sedant.[2] O fentanil se vende baixo las marcas Actiq, Duragesic y Sublimaze, entre atras.
O fentanil estió sintetizau per primera vegada per Paul Janssen en 1959 y aprebau pa lo suyo uso medico en os Estaus Unius en 1968.[3]
En os zaguers anyos, o fentanil ha irrumpiu en o mercau norteamericán de drogas ilegals, aprofitando la demanda preexistent d'opiacios como la heroína y las medecinas recetadas. En 2016, o fentanil y los suyos analogos estioron a causa mas común de muerte per sobredosi en os Estaus Unius con mas de 20.000 casos. En 2021 ya causaba más de 70.000 muertos per anyo en Estaus Unius.[4]
