Malautía de Parkinson

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

A malautía de Parkinson u mal de Parkinson u simplament parkinson, ye una malautía neurodechenerativa cronica caracterizada per bradicinesia (movimiento pando), richidez (augmento d'o ton muscular), temblor y perda d'o control postural.^[1] Ista malautía se debe a un deficit en a secreción de dopamina, hormona liberada per as terminacions niervosas d'a substancia negra.^[2]

Ista malautía representa lo segundo trestuque neurodechenerativo per a suya frecuencia, situando-se per dezaga d'a malautía d'Alzheimer. Ye extendida per tot o mundo y afecta tanto a lo sexo masculín como a lo femenín, afectando entre un 1 % a un 2 % d'a población sobre 60 anyos u d'un 0,5 % a un 5 % d'a población mayor de 65 anyos. A malautía puede presentar-se dende os 40 anyos y la suya incidencia va augmentando con a edat, especialment en os varons.^[3]

A malautía de Parkinson augmenta a suya gravedat con o tiempo, como consecuencia d'a destrucción progresiva, per causas que encara se desconoixen, d'as neuronas pigmentadas d'a substancia negra.^[4]