Saturno (mitolochía)

Iste articlo ye sobre un dios romano; ta atros usos, se veiga Saturno.

Saturno (Saturnus en latín) ye uno d'os prencipals dioses d'a mitolochía romana, o dios de l'agricultura y d'as collitas, encara que a diosa d'as collitas yera a suya muller, Ops (equivalent d'a Rea griega). En o proceso d'identificación de l'antiga mitolochía romana con a mitolochía griega, s'identificó con Cronos. Puet estar que sía uno d'os mas antigos dioses d'o panteón romano.

As suyas fiestas, as Saturnalia, se celebraban dende o 17 dica o 21 d'aviento (dimpués dende o 17 dica o 24 d'aviento); en ixas fiestas os esclavos se convertiban en os amos, y istos en os suyos esclavos, como una forma de cambear l'orden social consolidato ta fer mayor a suya consolidación.