Frisón

El frisón^[1] (tamién Frysk, Frasch, Fresk, o Friisk) ye una llingua falada por un pequeñu grupu étnicu qu'habita nel norte d'Holanda.

Faláu en
Faláu en	Países Baxos, Alemaña y Dinamarca
Númberu de falantes
Falantes Tipu Añu 480 000 2001 612 000 2004
Datos
Familia	Llingües anglofrisies
Sistema d'escritura	alfabetu llatín
Reguláu por	Fryske Akademy (en)
Códigos

El frisón ta formáu por una bayura dialeutos, y dellos son mutuamente inintelixibles (colo que se trataría d'una familia de llingües). Tolos dialeutos puen agrupase en tres grupos: l'occidental o 'Frysk', l'oriental o 'Seeltersk', y el septentrional, esti caberu ye'l más fragmentáu ente los que s'atopa el dialeutu d'Heligoland o 'Halund'.

Nun hai que confundir el frisón col Baxu saxón de Frisia oriental.

La mayor parte los falantes viven na provincia holandesa de Frisia (Fryslân en Frisón) u s'alcuentren unos 440.000. N'Alemaña hai unos 2.000 en Saterland, una rexón de la Baxa Saxonia.

Na rexón de Nordfriesland (Frisia septentrional) de la provincia alemana de Schleswig-Holstein, alcontramos unos 10.000 falantes, mayormente nes islles de Sylt, Föhr, Amrum y Heligoland.

El frisón tien una reconocencia oficial y proteición como llingua minoritaria nos dos países.

El frisón ye la llingua xermánica más averada al inglés. Sicasí, el frisón anguaño ta influyíu pol holandés, poro, la diferencia col inglés ye mayor que na dómina medieval.

Los testos más antiguos son del sieglu IX.