Karl Weierstraß
Karl Theodor Wilhelm Weierstraß (escritu Weierstrass cuando nun ta disponible'l calter "ß") (Ostenfelde, 31 d'ochobre de 1815~Berlín, 19 de febreru de 1897) foi un matemáticu alemán que se suel citar como'l padre del analís modernu».[11] Ente los sos llogros más destacaos figuren la definición de la continuidá d'una función, demostrando'l teorema del valor mediu; y el teorema de Bolzano-Weierstrass usáu darréu pa estudiar les propiedaes de funciones continues n'intervalos zarraos.
Karl Weierstraß | |
---|---|
Vida | |
Nacimientu | Ostenfelde[1], 31 d'ochobre de 1815[2] |
Nacionalidá | Reinu de Prusia [3] |
Muerte | Berlín[4], 19 de febreru de 1897[2] (81 años) |
Causa de la muerte | neumonía |
Familia | |
Casáu con | ensin valor [3] |
Estudios | |
Estudios | Gymnasium Theodorianum (en) (1829 - 1834) Universidá de Bonn (1834 - 1838) : xurisprudencia, cameralism (en) Universidá de Münster (1838 - 1840) : matemátiques, física |
Direutor de tesis | Christoph Gudermann |
Direutor de tesis de | Heinrich Bruns Leo Königsberger Nikolai Bugaev (es) Ferdinand Rudio Carl Runge (es) Hermann Schwarz Friedrich Schottky Lazarus Fuchs Józef Puzyna Sofia Kovalévskaya Alfred Pringsheim Friedrich Schur Hermann Stahl Georg Hettner Reinhold von Lilienthal Max Simon Johannes Knoblauch Eduard Wiltheiss Ernst Kötter Felix Müller Emil Lampe Adolf Piltz Ludwig Wilhelm Thomé Amandus Wendt (en) Richard Müller (en) Theodor Berner (en) Wilhelm Gustav Adolf Biermann (en) Max Blasendorff (en) Willy Howe (en) Paul Hoyer (en) Karl Schwering Theodor Adrian (es) Alexander Wernicke (en) Carl Julius Heinrich Weltzien (en) Konstantin Winterberg Anders Donner Ludwig Milewski (en) Leopold Loewenherz Friedrich Wilhelm August Ludwig Kiepert Ludwig Stickelberger Leopold Gegenbauer Ivan Śleszyński Arthur Moritz Schönflies |
Llingües falaes | alemán[5] |
Profesor de | Wilhelm Killing Adolf Hurwitz Georg Cantor Sofia Kovalévskaya Dmitry Selivanov (es) Nikolai Bugaev (es) Ferdinand Georg Frobenius Mathias Lerch (es) Hermann Schwarz Carl Runge (es) Arthur Moritz Schönflies Edmund Husserl Lazarus Fuchs |
Oficiu | matemáticu, profesor, profesor universitariu, físicu |
Emplegadores | Collegium Hosianum (en) (1848 – 1856) Gewerbeinstitut Berlin (en) (1856 – 1864) Universidá Federico Guillermo (9 xunetu 1857 – 1890) |
Premios | ver
|
Miembru de | Royal Society Corps Saxonia Bonn (en) [8] Academia Alemana de les Ciencies Naturales Leopoldina[9] Academia de Ciencies de San Petersburgu Real Academia de les Ciencies de Suecia Academia de les Artes y les Ciencies d'Estaos Xuníos Academia de Ciencies de Rusia Academia Prusiana de les Ciencies[3] Accademia Nazionale delle Scienze detta dei XL Academia de les Ciencies de Baviera Academia Nacional de Ciencies de los Estaos Xuníos Accademia delle Scienze di Torino[10] |
Biografía
Weierstrass nació en Ostenfelde, Ennigerloh, provincia de Westfalia. Yera fíu de Wilhelm Weierstrass, un funcionariu del gobiernu, y de Theodora Vonderforst. El so interés poles matemátiques empezó cuando yera estudiante na escuela Theodoriamun en Paderborn. Foi unviáu a la Universidá de Bonn pa preparar pa consiguir un puestu de funcionariu estatal. Los sos estudios taben centraos en derechu, economía y finances, polo qu'entraron en conflictu col so deséu d'estudiar matemátiques. Resolvió esti conflictu emprestando poca atención a la so carrera universitaria, estudiando matemátiques en priváu. Finalmente dexó la universidá ensin titulase. Dempués de qu'estudiara matemátiques na Academia de Münster y de que'l so padre consiguiéra-y un puestu como profesor nuna escuela de Münster, foi certificáu como profesor nesa ciudá. Mientres el so periodu d'estudiu, Weierstrass asistió a les conferencies de Christoph Gudermann ya interesóse poles funciones elíptiques.
En 1843 impartió clase n'Alemaña y nel oeste de Prusia, y dende 1848 enseñó nel Lyceo Hosianum en Braunsberg.
A partir de 1850 Weierstrass sufrió un llargu periodu d'enfermedá, pero pudo publicar documentos que lu llevaron a la fama y la distinción. La Universidá de Königsberg apurrió-y un títulu de doctor honorariu'l 31 de marzu de 1854. En 1856 consiguió una plaza nel Gewerbeinstitut, la que más tarde se convertiría na Universidá Téunica de Berlín. En 1864 pasó a ser profesor de la Universidá Friedrich-Wilhelms en Berlín, institución que más tarde se tresformó na Universidá Humboldt de Berlín. Los postreros 3 años de la so vida pasar ensin poder movese, y terminó morriendo en Berlín de neumonia.
Amás de les sos prolífiques investigaciones cabo señalar que foi profesor de cátedra na Universidá de Berlín, na que tuvo ente los sos discípulos a Georg Cantor, Ferdinand Georg Frobenius, Wilhelm Killing, Leo Königsberger, Carl Runge, Sofia Kovalévskaya y Edmund Husserl.
Contribuciones en matemátiques
Weierstraß dio les definiciones de continuidá, llende d'una función llende y derivada d'una función, que se siguen usando anguaño. Esto dexó-y encetar un conxuntu de teoremas que taben entós ensin demostrar de forma rigorosa, como'l teorema del valor mediu, el teorema de Bolzano-Weierstrass y el teorema de Heine-Borel.
Tamién realizó apurras en converxencia de series, en teoría de funciones periódiques, funciones elíptiques, converxencia de productos infinitos, cálculu de variaciones, analís complexu, etc.
Eponimia
Amás de los distintos conceutos matemáticos que lleven el so nome, tiense que:
Ver tamién
- Teorema de Weierstrass
- Teorema de Bolzano-Weierstrass
- Teorema d'aproximamientu de Weierstrass xeneralizáu nel teorema de Stone-Weierstrass
- Teorema de Weierstrass-Casorati
- Función elíptica de Weierstrass
- Función de Weierstrass
Referencies
Enllaces esternos
- Wikimedia Commons tien conteníu multimedia tocante a Karl Weierstraß.
- Wikiquote tien frases célebres suyes o que faen referencia a Karl Weierstraß.
- O'Connor, John J.; Robertson, Edmund F., «Karl Weierstraß» (n'inglés), MacTutor History of Mathematics archive, Universidá de Saint Andrews, http://www-history.mcs.st-andrews.ac.uk/Biographies/Weierstrass.html.
- Versiones digitalizadas de les sos publicaciones orixinales, disponibles online dende la biblioteca de la Berlin Brandenburgische Akademie der Wissenschaften