Karl Weierstrass
 Matemàtich. A riess a arzòlve na chestion lassà duverta da Abel e sòn a lo convincc a consacresse a la matemàtica: a chita Bonn sensa avèj pijà ël diplòma e a frequenta ij cors d'anàlisi a Münster, për ëdventé professor ëd matemàtica ant la scòla mesan-a.Ël perìod a Münster, dal 1839 al 1842 a l'é motobin fecond da na mira matemàtica: a s'anteressa a l'utilisassion dle serie antreghe e dj'equassion diferensiaj për definì fonsion analìtiche, dla nossion ëd convergensa uniforma dle serie ëd fonsion, dl'idèja ëd prolongament analìtich. Dal 1842 al 1855 Weierstrass a mostra ant la scòla mesan-a vàire materie, dont la botànica, la ginàstica e la caligrafìa.A pùblica j'arzultà ëd soe arserche ansima aj giornaj dij ginasio anté ch'a mostra; a l'é për lòn che ij sò travaj a son nen notà.Mach dël 1854 a pùblica un travaj ansima a le fonsion abelian-e an sël giornal ëd Crelle e cost artìcol a-j vagna l'amirassion ëd Dirichlet e Kummer.Mersì a lor, a l'é nominà ant ël 1856 mèmber ëd l'Academia dle siense ëd Berlin e professor ëstrasordinari a l'Università 'd Berlin.Da l'ancamin dj'agn Sessanta Weierstrass a travaja a l'elaborassion ëd fondamenta gorëgne për l'anàlisi e a s-ciairì 'd na fasson rigorosa concet fondamentaj tanme coj ëd nùmer real, continoità, derivà, convergensa dle serie.A l'ha costruì n'esempi ëd na fonsion continua an tuti ij pont ëd n'antërval ma derivàbil an gnun. A pòrto sò nòm
|