Québec (ciudá)

La ciudá de Québec (francés: Ville de Québec; inglés: Quebec City)^[3][4][4] ye la capital de la provincia canadiana del mesmu nome. La ciudá tien una población de 549 459 habitantes (2021)^[5][6], con un aumentu del 3% dende 2011^[7], mentantu que nel so área metropolitana vivíen, nesa mesma fecha, 800.296 habitantes, un 4,3% más qu'en 2011^[8]. Eses cifres d'habitantes faen d'ella la segunda mayor ciudá de la provincia, tres de Montreal, y la séptima mayor área metropolitana de Canadá.

Québec
Bandera de la Ciudad de Quebec (es) Escudo de la Ciudad de Quebec (es)
y
Alministración
País	Canadá
Provincia	Quebec
Rexón alministrativa	Capitale-Nationale
Territorio equivalente (es)	Québec (es)
Tipu d'entidá	ciudad o pueblo (es)
Mayor of Quebec City (en)	Régis Labeaume
Nome oficial	Québec (fr)[1]
Nome llocal	Québec (en) Kephek (<abbr title="Llingua non definida na plantía {{obtener idioma}}.">abe)[2]
Xeografía
Coordenaes	46°48′58″N 71°13′27″W / 46.81611°N 71.22417°O / 46.81611; -71.22417
Québec Québec (Canadá)
Superficie	485.18 km²
Altitú	98 m
Llenda con	Saint-Augustin-de-Desmaures (es) , Lévis, Boischatel (es) , L'Ancienne-Lorette (es) , Wendake (es) , Notre-Dame-des-Anges (es) , Sainte-Catherine-de-la-Jacques-Cartier (es) , Shannon (es) , Saint-Gabriel-de-Valcartier (es) , Lac-Delage (es) , Stoneham-et-Tewkesbury (es) , Lac-Beauport (es) , Sainte-Brigitte-de-Laval (es) y L'Ange-Gardien (es)
Demografía
Población	549 459 hab. (2021)
Porcentaxe	100% de Québec (es) 72.49% de Capitale-Nationale 6.46% de Quebec 1.49% de Canadá
Densidá	1132,48 hab/km²
Más información
Fundación	3 xunetu 1608
Prefixu telefónicu	418, 581 y 367
Estaya horaria	Horariu del este de Norteamérica
Llocalidaes hermaniaes	Albany, Iași (es) , Susa (es) , Calgary, Burdeos, Namur, Xi'an, San Petersburgu, Uagadugú, Dinan, Beirut, Guanajuato y Liexa
ville.quebec.qc.ca

L'estrenchamientu del ríu San Llorienzo nel sitiu aú s'asienta la ciudá foi'l que-y dio'l nome a la ciudá; Kebec, na llingua de los algonquinos, significa "aú s'estrecha'l ríu". La ciudá, fundada en 1608 por Samuel de Champlain, ye una de les ciudaes más antigües d'América del Norte. Les muralles de la ciudá, qu'arrodien el so cascu antiguu (Vieux-Québec), son les úniques muralles urbanes que se conserven al norte de Méxicu, y foron declaraes Patrimoniu de la Humanidá pola Unesco en 1985 col nome de 'Historic District of Old Québec' (Distritu históricu del Vieyu Québec)^[9][10].

Ente los elementos arquiteutónicos más destacaos de la ciudá rescamplen el Château Frontenac, un hotel que domina'l skyline de la ciudá, y la ciudadela, una fortaleza intacta que fai de pieza central de les muralles qu'arrodien la ciudá vieya y que ye residencia real. Na ciudá tienen tamién la so sé'l parllamentu provincial, el Muséu Nacional de Belles Artes de Québec y el Muséu de la Civilización.