Sócrates

Sócrates (en griegu, Σωκράτης, sōkrátes) (469 de edC, Alopece ^(es) y Atenes – , Atenes) foi un filósofu ateniense.

Sócrates
Vida
Nacimientu	Alopece (es) y Atenes[1], 469 de edC[2]
Nacionalidá	Antigua Atenes
Residencia	Antigua Atenes
Muerte	Atenes, [3] (69/70 años)
Causa de la muerte	hemlock poisoning (en) [4]
Familia
Padre	Sofronisco
Madre	Fenáreta
Casáu con	Jantipa (es) Myrto (es)
Fíos/es	Lamprocles (es) Menexenus (es)
Estudios
Llingües falaes	griegu antiguu[5]
Profesor de	Platón Jenofonte Antístenes Aristipo (es) Isócrates (es) Euclides de Megara (es) Fedón de Elis (es) Esquines de Esfeto (es) Querefonte (es) Simmias (es) Cebes (es) Menexenus (en) Apolodoro (es) Alcibíades
Oficiu	filósofu, profesor, escritor, éticu
Influyencies	Anaxágoras (es) , Filosofía presocrática y sofista (es)
Miembru de	boulé (es) [6]
IMDb	nm1419271

Yera fíu de Sofronisco y de Fainarate. Dizse que cuando Sócrates nació, so padre recibió del oráculu'l conseyu de dexar crecer llibre a so fíu, ensin reprimir los sos deseos.

Dende bien mozu destacó lo brillante de los sos razonamientos y la facilidá de pallabra, amás de la fina ironía y el so incoformismu énte la inorancia. El so llabor más valoratible foi la creación de la mayéutica, métodu inductivu que-y permitía llevar a los sos alumnos a la resolución de problemes, al traviés d'entrugues coles que la lóxica diba llevando al entendimientu. Pa Sócrates, el conocimientu y l'autodominiu diben permitir restaurar la rellación ente'l ser humanu y la naturaleza.

Nun dexó nengún escrito, les fontes de les que se disponen p'averase a la so persona son los diálogos de Platón, los testos de Xenofonte y la comedia d'Aristófanes Les Nubes, escrita cuando Sócrates tenía 41 años, y onde lu ridiculiza.

Sócrates morrió a los 70 años tres tomar cicuta, velenu qu'escoyó d'ente los ufiertaos pol tribunal que lu xulgó, por nun reconocer a los dioses atenienses y por corromper a la mocedá. Tres la so muerte surdieron les escueles socrátiques, l'Academia Platónica, les menores, dos de moral y dos de dialéutica, que tuvieron en común la busca de la virtú al traviés del conocimientu de lo bono.