Andrey Abrikosov
Andrey Lvoviç Abrikosov (1 (14) noyabr 1906[1], Simferopol – 21 oktyabr 1973[2], Moskva) — sovet rus kino və teatr aktyoru. Birinci dərəcəli Stalin mükafatı laureatı. SSRİ xalq artisti (1968).
Andrey Abrikosov | |
---|---|
rus. Андрей Львович Абрикосов | |
Andrey Abrikosov 1935-ci ildə | |
Doğum adı | Andrey Lvoviç Abrikosov |
Doğum tarixi | |
Doğum yeri | Simferopol, Rusiya İmperiyası |
Vəfat tarixi | (66 yaşında) |
Vəfat yeri | Moskva, SSRİ |
Dəfn yeri | |
Vətəndaşlığı | ![]() |
Fəaliyyəti | aktyor |
Fəaliyyət illəri | 1929–1973 |
Üzvlüyü | |
Mükafatları | ![]() ![]() ![]() ![]() ![]() ![]() ![]() ![]() ![]() |
IMDb | ID0009372 |
![]() |
Həyatı
Andrey Abrikosov 14 noyabr (dig'ər mənbəyə görə 27 noyabr[3]) 1906-cı ildə Simferopol şəhərində aqronom ailəsində anadan olmuşdur. Erkən gəncliyi vaxtı vətəndaş müharibəsi illərində Rusiyanın cənubunda sərgərdan həyat keçirmişdir.
1924-cü ildə "Oktyabr İnqilabında həlak olanların xatirəsinə tikilmiş məktəbi" bitirmişdir. 1925-ci ildə Moskvaya dönmüş, bir müddət "Stroy radio" artelində işləmişdir. Paytaxtda Aleksandra Xoxlovanın kinematoqrafiya studiyasını bitirdikdən sonra tezliklə Konstantin Stanislavskinin bacısı Zinaida Sokolovanın yanına göndərilir.
1926–1929-cu illərdə Kiçik teatrın teatr-studiyası ilə əməkdaşlıq etmişdir. 1930-cu ildə çəkilmiş "Sakit Don" filmində oynadığı ilk rolu olan Qriqori Melehova rolu ilə aktyor fəaliyyətinə başlamışdır. Bu film 1931-ci ildə ekranlarda geniş şöhrət qazanmışdır. 1929–1930-cu illərdə "Soyuzkino" (indiki Mosfilm) kinostudiyasında aktyor olmuşdur.
1938-ci ildən Yevgeni Vaxtanq adına Moskva teatrında aktyor olmuşdur. 1953–1959-cu illərdə həmin teatrın direktoru olmuşdur.
SSRİ Kinematoqrafçılar İttifaqının[4] və Sov. İKP-nın (1950-ci ildən) üzvü olmuşdur.
Andrey Lvoviç Abrikosov 21 oktyabr (bir mənbəyə görə 19[5], digər mənbəyə görə 21 oktyabr[6]) 1973-cü ildə Moskvada vəfat etmiş, Novodeviçiya qəbiristanlığında dəfn olunmuşdur.
Mükafat və adları
- RSFSR əməkdar artisti (1946);
- RSFSR xalq artisti (1952);
- SSRİ xalq artisti (1968);
- Birinci dərəcəli Stalin mükafatı (1941);
- 2 dəfə "Qırmızı əmək bayrağı" ordeni (01.02.1939; 1946);
- "1941-1945-ci illər Böyük Vətən müharibəsində rəşadətli əməyə görə" medalı (1946);
- "Moskvanın 800 illik xatirəsinə" medalı (1948);
- "Vladimir İliç Leninin anadan olmasının 100 illiyi münasibətilə" yubiley medalı (1970)
Filmoqrafiya
- Aleksandr Nevski (film, 1938)
- İlya Muromets (film, 1956)
- Karamazov qardaşları (film, 1968)
- Ruslan və Lyudmila (film, 1972)
İstinadlar
Xarici keçidlər
- Andrey Abrikosov — IMDb səhifəsi