Metyu Holman
Metyu C. Holman (Tam adı: ing. Matthew J. Holman; 1967, ABŞ) — Smitsonian Astrofizika Rəsədxanasının astrofiziki və Harvard Universitetinin müəllimi. Metyu Massaçusets Texnologiya İnstitutunun məzunudur: belə ki, məhz həmin institutda 1989-cu ildə riyaziyyat üzrə bakalavr, 1994-cü ildə isə planetologiya üzrə fəlsəfə doktoru dərəcəsi almışdır. 1998-ci ildə Nyukom Klivlend Mükafatına layiq görülüb.[4]
| Metyu Holman | |
|---|---|
| Doğum tarixi | 1967 |
| Doğum yeri | |
| Elm sahələri | astronomiya[1], astrofizika[1], Günəş sistemi[1], Ekzoplanet[1] |
| İş yerləri | |
| Təhsili | |
Timoti B. Spar vəzifədən getdikdən sonra 25 yanvar 2015-ci ildən Beynəlxalq Astronomiya İttifaqının Kiçik Planet Mərkəzinin direktorudur.[5]
Alyaska Senatına namizəd Co Millerlə Salina Mərkəzi Liseyində (Kanzas) eyni sinifdə oxumuş və debat komandasının üzvü olmuşdular. 3666 Holman asteroid qurşağı 1999-cu ildə onun şərəfinə belə adlandırılmışdır.[4][6]
Kəşfləri
1999-2000-ci illərdə Holman Kiçik Planet Mərkəzi tərəfindən (44594) 1999 OX3 və (60621) 2000 FE8 kimi transneptun obyektləri kəşf edən və kəşfində iştirak edən astrofizik kimi tanınır. Metyu kentavrların aktiv tədqiqatçısıdır.[4][7]
O, həm də çoxsaylı nizamsız peyk kəşf etmiş komandanın üzvü olub:[8]
- Kəşf olunmuş Neptunun peykləri:
- Qalimeda (Neptun IX) – 2002-ci ildə Con Kevilaarz, Tom Qrev, V. Freyzer və Den Milisavlyeviçlə birlikdə (IAUC 8047)
- Sao (Neptun XI) – 2002-ci ildə Con Kevilaarz, Tom Qrev, V. Freyzer və Den Milisavlyeviçlə birlikdə (IAUC 8047)
- Laomedeya (Neptun XII) – 2002-ci ildə Con Kevilaarz, Tom Qrev, V. Freyzer və Den Milisavlyeviçlə birlikdə (IAUC 8047)
- Neso (Neptun XIII) – 2002-ci ildə Brett Qledman və başqaları ilə birlikdə (IAUC 8213)
- Kəşf olunmuş Uranın peykləri:
- Prospero (Uran XVIII) – 1999-cu ildə Con Kevilaarz, B.Qledman, Jan-Mark Petit, Hans Şoll ilə birlikdə (IAUC 7248)
- Setebos (Uran XIX) – 1999-cu ildə Con Kevilaarz, B.Qledman, Jan-Mark Petit, Hans Şoll ilə birlikdə (IAUC 7230)
- Stefano (Uran XX) – 1999-cu ildə Con Kevilaarz, B.Qledman, Jan-Mark Petit, Hans Şoll ilə birlikdə (IAUC 7230)
- Trinkulo (Uran XXI) – 2001-ci ildə Con Kevilaarz, Den Milisavlyeviçlə birlikdə (IAUC 7980)
- Fransisko (Uran XXII) – 2001-ci ildə Con Kevilaarz, Tom Qrev və Den Milisavlyeviçlə birlikdə (IAUC 8216, IAUC 7980)
- Ferdinand (Uran XXIV) – 2001-ci ildə Con Kevilaarz, Tom Qrev və Den Milisavlyeviçlə birlikdə (IAUC 8213)
- Kəşf olunmuş Saturnun peykləri:
- Albioriks (Saturn XXVI) – 2000-ci ildə Timoti Spar ilə birlikdə (IAUC 7545)
İstinadlar
Xarici keçidlər
- Metyu Holman, Harvard-Smitsonian Astrofizika Mərkəzinin ana səhifəsi
- Kiçik Planet Mərkəzinin hesabatı Metyu Holman, 8 noyabr 2015