Millennial pauza
Millennial pauza (ing. Millennial pause) — bəzi qeydə alınmış videoların başlanğıcında, xüsusən də qısametrajlı məzmunda və "TikTok" kimi sosial media proqramlarında mövcud olan danışıq pauzası.[1][2][3][4] Belə bir pauzanın daxil edilməsi praktikası ümumiyyətlə millennial, yəni 1980-ci illərin əvvəllərindən 1990-cı illərin ortalarına qədərki dövrdə anadan olmuş insanlar generasiyasına aid edilir.[5][6][7][8][9][10] Bu fenomen millenniallar və sonrakı nəsillər arasında rəqəmsal nəsil uçurumunun nümunəsidir.[11][12]
Müşahidəsi
_3.jpg)
Təcrübə ilk dəfə 1 mart 2021-ci ildə, bir "TikTok" istifadəçisi "[millenniallar] niyə danışmazdan əvvəl bu qədər uzun müddət pauza verir" sualını verməsi və onların "videonu başladıb davam etməli" olduqlarını deməsiylə müşahidə edilmişdir.[13][14]
"Millennial pauzası" termini 26 noyabr 2021-ci ildə "TikTok" videosunu yerləşdirən millennial nümayəndəsi, "nisipisa" adlı "TikTok" istifadəçisinə aid edilir. O, qeyd etmişdir ki, millenniallardan olan müğənni Teylor Sviftin videolarının əvvəlində belə pauzalar mövcuddur.[1][15][16][a] "The Atlantic" nəşrinin müəlliflərindən və özü də bir millennial olan Ketrin Lindzi qısametrajlı videoların "Instagram" sosial şəbəkəsində, ani mesajlaşma proqramı "Snapchat" və onlayn video platforması "YouTube"da daha çox yayıldığı üçün bu pauzanın daha çox nəzərə çarpdığını bildirmişdir.[1]
Millenniallardan başqa insanların videolarında da millennial pauzanın nümayiş etdirildiyi qeyd olunmuşdur. "Parade" jurnalı müğənni "JC Chasez"in "TikTok" debüt videosunda bunu daxil etdiyini və "Them" veb-saytından Ceyms Faktora aktrisa Cennifer Kulicin "mükəmməl bir TikTok" başlıqlı debüt videosunda bunu daxil etdiyini bildirmişdir.[18][19][b]
Fərqindəlik
İfadə anqlosferdən kənarda, o cümlədən Braziliya,[22] Çili,[23] Danimarka,[24] Fransa,[25] Almaniya,[26] İndoneziya,[27] İtaliya,[12] Meksika, Niderland [28] və İspaniyada [29][c] tərcümə edilməmiş şəkildə istifadə edilmişdir.
Həmçinin bax
Qeydlər
İstinadlar
Xarici keçidlər
- Millennial Pause — "Know Your Meme" saytındakı keçid.