Mister Olimpiya
Mister Olimpiya — Bodibildinq idmanı üzrə ən əhəmiyyətli turnir. Ümumdünya bodibildinq və fitnes federasiyası (IFBB) tərəfindən keçirilir.
Tarixi
Joe Veyder tərəfindən təşkil olunmuş bu turnir ilk dəfə 1965-ci ilin 18 sentyabrında Nyu-Yorkda, Bruklin musiqi akademiyasının binasında keçirilmişdir[1]. Yarşın keçirilməsində məqsəd idmançıların il boyu formada olmasını saxlamaq və maddi baxımdan gəlir əldə edə bilməsi idi. Peşəkar idmançıların qatıldığı bu turnir 1998-ci ildən qaydalara əsasən hər il sentyabr ayında Las-Veqas şəhərində keçirilir. İlk vaxtlar turnirdə ancaq Mister Dünya, Mister Amerika və Mister Kainat yarışlarının qalibləri iştirak edə bilərdi.
Hal-hazırda Mister Olimpiya turnirinə əvvəlik illin ilk 6-lığı əldə edənlər, Arnold Classic turnirinin ilk 6-lığı, Nyu-York Pro turnirinin ilk 5-liyi, istənilən Qran-Pri yarışlarının ilk 3-lüyü dəvət olunur.[2]. Əyər 2000-ci ildə keçirilmiş turnirin mükafat fondu 230 min, qalibə verilən pul mükafatı 100 min dollar idisə, 2013-cü ilin Mister Olimpiya yarışının mükafat fondu artıq 1 milyon dollar olmuşdur. Qalib isə 250 min dollar qazanmışdır.[3]. Turnir iki hissədən ibarətdir:
1. İlkin. 2. Final.
İlkin hissədə iştirakçılar standart hərəkətlərlə öz əzəllərini nümayiş etdirir. Final mərhələsində isə hakimlər tərəfindən seçilmiş iştirakçılar sərbəst proqramla çıxış edirlər.
Turnirin qalibləri
55 illik turnir tarixinin (1965–2019) cəmi 15 qalibi olmuşdur.[4]
.svg){kind=small}
Qələbələrin sayı
Hələlik 13 qalib arasında ən yüksək nəticə Li Xeyni ilə Ronni Kolemana məxsusdur.[5]
1 dəfə qalib gələnlər:Kris Dikerson(1982), Samir Bannut(1983), Dekster Cekson (2008), Şon Roden (2018) , Hadi Çoban (2022),
2 dəfə qalib gələnlər:Larri Skot(1965–1966), Franko Kolombo(1976, 1981)
3 dəfə qalib gələnlər:Sejio Oliva(1967–1969), Frenk Zeyn(1977–1979)
4 dəfə qalib gələnlər:Cey Katler(2006–2007, 2009–2010)
6 dəfə qalib gələnlər:Dorian Yets(1992–1997)
7 dəfə qalib gələnlər:Arnold Şvartsenegger(1970–1975, 1980), Fil Hit (2011–2017)
8 dəfə qalib gələnlər:Li Heyni(1984–1991), Ronni Koleman(1998–2005).
Turnirin strukturu
Mister Olimpiya heçdə bir yarışdan ibarət deyil. 2010-cu ildən sonra bu turnirin tərkibində 9 müxtəlif kateqoriya mövcuddur:[6]
- Mister Olimpiya.
- 212 Showdown(çəkisi 212 funt və onda aşağı olan idmançılar üçün nəzərdə tutulmuş).
- Klassik kateqoriya
- Miss Olimpiya.(qadın bodibilderlərin yarışı)
- Fitnes Olimpiya.(qadınların fitnes üzrə yarışı)
- Figure Olympiya.(qadınlarn fitnes və bədən quruluşu yarışması)
- Bikini Olympiya.(qadınların fitnes və bədən quruluşu yarışması, bikini kateqoriyası)
- Men's Physique Showdown.(kişi bədən quruluşu yarışması)
- Women's Physique Showdown(qadın bədən quruluşu yarışması)