Pedru Ameriku
Pedru Ameriku (port. Pedro Américo de Figueiredo e Melo; 29 aprel 1843[1][2] – 7 oktyabr 1905[1][2], Florensiya, İtaliya) — görkəmli Braziliya akademik rəssamlarından biri. Müəllim və yazıçı kimi də fəaliyyət göstərmişdir.[3]
| Pedru Ameriku | |
|---|---|
| port. Pedro Américo de Figueiredo e Melo | |
 Avtoportreti (1895) | |
| Doğum tarixi | 29 aprel 1843[1][2] |
| Vəfat tarixi | 7 oktyabr 1905[1][2] (62 yaşında) |
| Vəfat yeri | |
| Dəfn yeri | |
| Milliyyəti | braziliyalı |
| Fəaliyyəti | rəssam, şair, roman yazıçısı, siyasətçi, təbiətşünas |
| Təhsili | |
| Stil | akademizm |
| Mükafatları | Müqəddəs məqbərə ordeni |
 | |
 Vikianbarda əlaqəli mediafayllar | |
Bioqrafiya
1857-ci ildə İmperiya Təsviri İncəsənət Akademiyasında təhsil almaq üçün təqaüd alaraq Rio-de-Janeyro şəhərinə köçmüşdür. Daha sonra təhsilini Avropada davam etdirmişdir. Parisdə Təsviri İncəsənət Məktəbində təhsil almış, Jan Ogüst Dominik Enqrin, İppolit Frandrenin və Kral Vernenin tələbəsi olmuş, əsərləri şöhrət qazanmış və 1868-ci ildə Brüssel Universitetində doktorluq dərəcəsi əldə etmişdir.
Braziliyaya qayıtdıqdan sonra ən məşhur əsərlərindən biri olan "Ya müstəqillik, ya ölüm" rəsm əsərini çəkmişdir. Rəsm əsərində Şahzadə Pedrunun Braziliyanın Portuqaliyadan müstəqilliyini elan etdiyi an təsvir olunur. Rəsm on illərlə Braziliyada ibtidai məktəblər üçün nəzərdə tutulmuş tarix kitablarında istifadə olunmuşdur.
Həyatının çox hissəsini İtaliyanın Florensiya şəhərində keçirsə də, tez-tez Rio-de-Janeyroya gedib-gələn Pedru Ameriku lektor və incəsənət tarixçisi kimi də xidmət vermişdir.
Pedru Ameriku rəssam və diplomat Manuel de Araujo Portu-aleqrenin qızı Karlota de Araujo Portu-aleqri (1844–1918) ilə evlənmişdir və onların uşaqları olmuşdur. Almaniya Tacı Cəngavər Nişanına sahib olmaqla yanaşı Müqəddəs məqbərə ordeni ilə də təltif olunmuşdur. 1889-cu ildə Braziliyanın respublika elan edilməsindən sonra Milli Məclisin deputatı seçilmişdir.
Qalereya
Şir
İudif və Olofern
Kral David və Abisaq
Ya müstəqil, ya ölüm
İstinadlar
Xarici keçidlər
- Pedro Américo de Figueiredo e Melo Arxivləşdirilib 2010-06-14 at the Wayback Machine (por.)
- Pedro Américo. Encyclopaedia Itaú Cultural (por.)