Voterton-Leyks Milli Parkı

Voterton-Leyks Milli Parkı
Voterton-Leyks Milli Parkı
	ing. Waterton Lakes National Park
	; Yuxarı Voterton gölü
BTMB kateqoriyası — II (Milli park);
Sahəsi	505 km2
Yaradılma tarixi	1895 (milli park); 1979 (biosfer qoruğu) ; 1995 (Dünya irsi)
Ziyarətçi sayı	2012/13
İdarəetmə orqanı	Kanada Parkları
Yerləşməsi
	49°02′45″ şm. e. 113°54′55″ q. u.
Ölkə	Kanada
Vilayət	Alberta
Yaxın şəhər	Pinçer Krik
	pc.gc.ca/fr/pn-np/ab/wat…
	Voterton-Leyks Milli Parkı
	Vikianbarda əlaqəli mediafayllar

Voterton-Leyks Milli Parkı (ing. Waterton Lakes National Park) — Kanadanın Alberta əyalətinin cənub-qərb küncündə yerləşən və ABŞ-nin Montana ştatında yerləşən Qleyşer Milli Parkı ilə həmsərhəd olan milli park. Milli park Kanadanın 4-cü milli parkıdır. 1895-ci ildə qurulmuş, adını isə Viktoriya dövrü təbiətşünas Çarlz Votertonun adı ilə adlandırılmış göllərdən almışdır. Voterton-Leyks Milli Parkının sahəsi 505 km² olub, dağlıq və çöllük əraziləri əhatə edir.

Voterton-Leyks Milli Parkı Kanada Parkları tərəfindən idarə olunur. Milli park ilin bütün aylarında ziyarətə açıq olsa da, əsas turist mövsümü iyul və avqust aylarıdır. Turistlər Voterton Park adlı bölgədə qalırlar. Milli park dəniz səviyyəsindən 1.290 metr yüksəklikdə, Voterton Park isə dəniz səviyyəsindən 2.910 metr yüksəkliyindəki Blekiston dağında yerləşir. Milli parkdan Kript Gölü cığırı keçir. 2012/13 mövsümündə milli parkı 402.542 nəfər ziyarət etmişdir.^[2]

Milli park 2011-ci ildə "Milli Park Layihəsi" çərçivəsində Piter Linçin rejissoru olduğu qısa bir filmə mövzu olmuşdur.

ABŞ tok-şou aparıcısı Deyvid Letterman 24 iyun 2013-cü ildə verilişlərin birində bu milli parkı məsləhət görmüşdür. Melissa Makkarti ilə intervyusunda o "Montanadakı Qleyşer Milli Parkına getdikdə sən şimala doğru getməlisən və Voterton Gölü Milli Parkına çatacaqsan. Bura Qleyşer Milli Parkının davamıdır və son dərəcədə heyranedicidir." ifadələrindən istifadə etmişdir.^[3]

Tarixi

1932-ci ildə Qleyşer və Voterton-Leyks Milli Parklarından ibarət Voterton-Qleyşer Beynəlxalq Sülh Parkı yaradılmışdır. Bu park Rotary International-ın adından Çarlz Artur Mander tərəfindən təşkil olunmuşdur. Milli parkda Kanadanın ən dərin gölləri olan Voterton gölləri və tarixi Uels Şahzadəsi oteli yerləşir.

Status

1979-cu ildə Voterton və Qleyşer Milli Parkları dağları, gölləri, çöllükləri, bataqlıqları və digər ekosistemləri qorumaq məqsədi ilə Biosfer qoruğu elan edilmişdir. 1995-ci ildə Voterton-Qleyşer Beynəlxalq Sülh Parkı YUNESKO-nun Dünya irsi siyahısına düşmüşdür.^[4]^[5]

Qalereya

Kameron gölü
Kameron gölündə sığır
Sammit gölü
Voterton gölü
Kameron şəlaləsi
Qırmızı qaya kanyonu
Turist düşərgəsi
Voterton Parkın cənubu
Blekiston şəlaləsi
Baribal
Voterton gölünü əhatə edən dağlar
Uels Şahzadəsi oteli

İstinadlar

Xarici keçidlər

Kanada Parkları Arxivləşdirilib 2008-03-05 at the Wayback Machine
Pure Experience

[1]

[2]

[3]

[4]

[5]

Search