Буратаева Александра Манджиевна
Буратаева Александра Манджиевна (ҡалм. Буратан Александра) (30 март 1965 йыл, Элиста, РСФСР, СССР) — Рәсәй телевидениеһы алып барыусыһы, Дәүләт Думаһының 3-сө һәм 4-се саҡырылыш депутаты.
| Буратаева Александра Манджиевна | |
| ҡалм. Буратан Александра | |
 | |
| Зат | ҡатын-ҡыҙ |
|---|---|
| Гражданлыҡ |  Рәсәй |
| Тыуған көнө | 30 март 1965 (59 йәш) |
| Тыуған урыны | Элиста, РСФСР, СССР |
| Туған тел | Ҡалмыҡ теле һәм урыҫ теле |
| Һөнәр төрө | сәйәсмән, телетапшырыуҙар алып барыусы, йәмғиәт эшмәкәре |
| Биләгән вазифаһы | Рәсәй Федерацияһы Дәүләт думаһы депутаты[d] һәм представитель в Парламентской ассамблее Совета Европы[d][1] |
| Уҡыу йорто | Ҡалмыҡ дәүләт университеты |
| Әүҙемлек урыны | Мәскәү |
| Сәйәси фирҡә ағзаһы | Берҙәм Рәсәй |
| Ойошма ағзаһы | Европа Советы Парламент ассамблеяһы[d], Рәсәй Федерацияһы Федераль Йыйылышының һигеҙенсе саҡырылыш Дәүләт Думаһы[d] һәм Государственная дума Федерального собрания Российской Федерации III созыва[d] |
| Маҡтаулы исемдәре һәм башҡа бүләктәре | |
 Буратаева Александра Манджиевна Викимилектә | |
Биографияһы
Йәш сағы
Александра Манджиевна Буратаева 1965 йылдың 30 мартында Элиста ҡалаһында тыуған.
«Инглиз теле һәм әҙәбиәте уҡытыусыһы» белгеслеге буйынса Ҡалмыҡ дәүләт университеты сит телдәр факультетының роман-герман бүлеген тамамлаған. Инглиз теле уҡытыусыһы, китапханасы булып эшләгән[2][3]
Телевидение
1987 йылда Мәскәүҙә телевидение алып барыусылары курстарын тамамлай. Оҙаҡ йылдар Ҡалмыҡстандың республика телевидениеһында эшләй. 1995 йылда ОРТ телеканалына эшкә күсә; шул ваҡыттан алып «Ваҡыт»[4] һәм «Яңылыҡтар» программаларын 1999 йыл аҙағына тиклем алып бара[5]. Дәүләт Думаһы депутаты итеп һайланғандан һуң үҙ теләге буйынса телеканалдан китә[6]. «Ваҡыт» тапшырыуының һуңғы эфирын 1999 йылдың 31 декабрендә Кирилл Клеймёнов менән бергә уҙғара, ул Борис Ельциндың Рәсәй президент вазифаһынан отставкаһына арнала[7].
Депутатлыҡ карьераһы менән бер үк ваҡытта, 2002—2003 йылдарҙа РТР (һуңынан - «Рәсәй») телеканалында Кира Прошутинская һәм Юлия Рутберг менән «Ышаныс, Өмөт, Мөхәббәт» телетапшырыуының алып барыусыларының береһе була[8][9].
2006—2007 йылдарҙа Александр Дедюшко менән бергә «ТВ Үҙәк» каналында «Яҙмышың урамы» тапшырыуының бер нисә сығарылышын уҙғара[10].
2009 йылдың 10 авгусынан 18 сентябренә тиклем — «Рәсәй» телеканалында «Сая хужабикәләр» телетапшырыуын алып барыусы, уның сиктәрендә «Кухня» рубрикаһы алып барыла[11]. Һуңынан «Мир» телерадиокомпанияһына китә, унда киске «Берҙәмлек яңылыҡтары»н алып бара[12].
2010 йылдар башында Мәскәүҙән Ригаға йәшәргә һәм эшләргә күсеп китә[13]. 2011 йылдың июненән 2016 йылдың мартына тиклем Балтик буйында «Беренсе Балтик Каналы» телеканалында «Латвия ваҡыты», «Эстония яңылыҡтары» и «Литва ваҡыты»[14].. 2010 йылдар аҙағында Грузияға күсеп китә[15], унда үҙенең «Studio21» арт-терапия студияһында керамик әйберҙәр эшләй башлай[16].
«Мәскәү 24» телеканалында «Идеаль тәҡдим» тапшырыуын алып барыусы булып, 2021 йылдың ғинуарында Рәсәйҙә йәнә телевидениела күренә[17] 2021 йылдың аҙағында Ностальгия телеканалында «Бар ине ваҡыт» тапшырыуын алып барыусы.
Ижтимағи-сәйәси эшмәкәрлеге
1999 йылдың 19 декабрендә — бер мандатлы Ҡалмыҡ һайлау округы буйынса Дәүләт Думаһы депутаты; 2003 йылда «Берҙәм Рәсәй» исемлеге буйынса ҡайтанан һайлана[18].
2000 йылдың 27 февралендә «Берҙәмлек» Дөйөм Рәсәй сәйәси йәмәғәт хәрәкәтенең ойоштороу съезында уның сәйәси советы ағзаһы итеп һайлана. 2000 йылдың 27 майында «Берҙәмлек» партияһының ойоштороу съезында уның сәйәси советы президиумы ағзаһы итеп һайлана.[19].
«Берҙәм Рәсәй»ҙең йәштәр ойошмаһын — «Йәштәр берҙәмлеге»н етәкләй[20] —2000 йылдың апреленән 2005 йылда «Берҙәм Рәсәйҙең Йәш гвардияһы»на үҙгәртелгәнгә тиклем.
2008 йылдың февраленән[21], депутатлыҡ карьераһынан һуң, «Рәсәй тимер юлдары» (РЖД) асыҡ акционерҙар йәмғиәтендә эшләй, унда компания президенты Владимир Якуниндың матбуғат секретары була[22].
2013 йылдың мартынан авгусына тиклем — Сергей Безруков Театрының пиар-директоры[19].
2013 йылдың сентябренән — «Со-дружество» продюсер компанияһы президенты (компанияға театр агентлығы, коммуникациялар агентлығы, актерлыҡ агентлығы һәм видеопродакшн инә)[19].
Бүләктәре
- I дәрәжә «Ватан алдындағы ҡаҙаныштары өсөн» орден миҙалы (25 август 2008 йыл) — Ҡытайҙа Рәсәй йылын һәм Рәсәйҙә Ҡытай йылын әҙерләүгә һәм уны үткәреүгә ҙур өлөш индергән өсөн[23]
- II «Ватан алдындағы ҡаҙаныштары өсөн» орден миҙалы (28 март 2007 йыл) — Рәсәй дәүләтселеген закондар сығарыу эшмәкәрлегендә, нығытыуҙа һәм үҫтереүҙәге ҡаҙаныштары өсөн[24]
- 2007 йылда Рәсәй Бизнес һәм эшҡыуарлыҡ академияһының ҡатын-ҡыҙҙар ҡаҙаныштарын таныу буйынса «Олимпия» милли премияһы лауреаты[25]
Иҫкәрмәләр
Һылтанмалар
- Сергей Корзун. Александра Буратаева. Эхо Москвы (26 март 2008). — Без дураков. Дата обращения: 18 июнь 2017. Архивировано 6 июнь 2017 года.
