Ленин районы (Өфө)
Ленин районы — административ-территориаль берәмек, Өфө ҡалаһындағы ете райондың береһе, ҡаланың көнбайыш өлөшөндә урынлашҡан. Район биләмәһе 70,9 км² тәшкил итә.
Ленин районы | ||
| ||
Өфө | ||
---|---|---|
Барлыҡҡа килгән: | ||
Тәүге телгә алыу: | 1936 | |
Майҙаны: | 70,9 км² | |
Халыҡ һанын иҫәпләү: | 2015 | |
Халыҡ һаны: | ↗84 535[1] кеше | |
Телефон кодтары: | +7 347 | |
Географияһы
Район халыҡ йәшәгән биләмәләр Ағиҙел йылғаһының ике ярында ла урынлашыуы менән айырылып тора. Төп майҙанды Ағиҙелдең уң яҡ яры буйлап урынлашҡан Нижегородка һәм һул яғынан — Затон биләй.
Тарихы
Ленин районы Өфө ҡалаһы составында 1936 йылда барлыҡҡа килә. Үҙ эсенә Архиерейка, Затон, Нижегородка, Тимер юлы, Пристань һәм башҡа тарихи биҫтәләрҙе ала.
Ленин районы — ҡаланың иң тәүге административ берәмектәренең береһе. Ойошторолған саҡта халыҡ һаны 91,2 мең кеше, йәғни Өфө халҡының 40 % тәшкил итә.
Бик оҙаҡ ваҡыт район республика баш ҡалаһы тормошонда ойоштороусы ролен үтәй, бында барлыҡ ҡала хакимиәт органдары һәм учреждениелары урынлаша.
Бөйөк Ватан һуғышы осоронда районға 20 меңдән ашыу кеше эвакуациялана. Агрегат, элемтә ҡорамалдары һәм түбән вольтлы электр аппараттары заводтары күсерелә килә.
Халҡы
Халыҡ иҫәбе | ||||||
---|---|---|---|---|---|---|
1959[2] | 1970[3] | 1979[4] | 1989[5] | 2002[6] | 2003[7] | 2004[7] |
88 584 | ↘75 812 | ↘75 298 | ↗76 448 | ↘70 456 | ↗70 457 | ↗71 447 |
2005[7] | 2006[7] | 2007[7] | 2008[7] | 2009[8] | 2010[9] | 2013[10] |
↗72 822 | ↗73 452 | ↗73 980 | ↗74 439 | ↗75 386 | ↗77 362 | ↗80 759 |
2014[11] | 2015[1] | |||||
↗82 201 | ↗84 535 |
Сәнәғәт
Район территорияһында урынлашҡан:
- ААЙ «АНК Башнефть»,
- ААЙ «Башкирэнерго»,
- ЯСЙ «Судоремонтный-караптар заводы»,
- ФДУП «Өфө агрегат производство берекмәһе»,
- ААЙ Өфө «Молния» фәнни-производство предприятиеһы,
- ЯСЙ «Өфө фанера-плитә комбинаты»,
- ЯСЙ «Прогресс» Башҡортостан производство берекмәһе,
- ААЙ «Өфө лак-буяу заводы»,
- Башҡортостан республикаһы МВД ГУП ИПК «Ф. Э. Дзержинский исемендәге типография»,
- ФДУП «Өфө протез-ортопедия предприятиеһы»,
- «Алтын быуат» Өфө спирт-араҡы комбинаты,
- ААЙ «Башҡорт йылға пароходсылығы»,
- ДУП «Башавтотранс».
Иҫкәрмәләр
Һылтанмалар
- Өфө ҡалаһы порталында Ленин районы 2012 йыл 6 май архивланған.