Āgama (Budismo)

Sa Budismo, an āgama (आगम Sanskrito asin Pāli, Tibetan ལུང་ (Wylie: lung) para sa "sagradong gibo"^[1] o "eskritura"^[2]) iyo an koleksyon nin amay na tekstong Budista.

An limang āgama kapag pinagsaro minakompwesto kan Suttapiṭaka kan amay na eskwelahan na Budista, na dating igwa nin laen na recensions nin lambang sarong āgama. Sa Pali Canon kan Theravada, an termino nikāya iyo an ginamit. An katagang āgama dai nag-eeksister sa koleksyon na ini.