Gabat

Sa siyensya asin inhenyeriya, an gabat (Ingles: weight) kan sarong bagay iyo an puwersa na minaakto sa nasambit na bagay huli sa grabidad.^[1][2][3]

Gabat
Sarong spring scale na minasukol sa gabat nin sarong bagay.
Bistadong mga simbolo	${\displaystyle W}$
Yunit na SI	newton (N)
Ibang mga yunit	libra-puwersa (pound-force, lbf)
Sa basehang yunit nin SI	kg⋅m⋅s−2
Ekstensibo?	Iyo
Intensibo?	Dae
Nakokonserbar?	Dae
Deribasyon gikan sa ibang mga kantidad	${\displaystyle W=mg}$ ${\displaystyle W=ma}$
Dimensyon	${\displaystyle {\mathsf {MLT}}^{-2}}$

An ibang mga istandardong libro^[4] pigtatawan kahulugan an gabat bilang sarong bektor na kantidad, an grabitasyonal na puwersa na minaakto sa bagay. An iba man^[5][6] an gabat iyo sarong iskalar na kantidad, an kakusogan kan grabitasyonal na puwersa. Sagkod an natatada^[7] pigtatawan kahulugan ini bilang an kakusogan kan reaksyong puwersa sa sarong lawas sa paagi nin mekanismo na oposisyon sa epekto kan grabidad: an gabat iyo an kantidad na nasusukol, halimbawa, kan spring scale. Kaya, sa kamugtakan kan talingkas na pagkahulog, mayo nin gabat an sarong bagay. Sa arug kaining pagkakaintindi, an mga terestriyal na bagay pwedeng mayo nin gabat: sa dae pagbali kan resistensya nin ere, an famosong mansanas palan na nahulog hale sa puno pasiring ki Isaac Newton, iyo mayo nin gabat.

An yunit nin pagsukol para sa gabat iyo an sa puwersa, kun sain sa Internasyunal na Sistema nin mga Yunit (SI) iyo an newton. Halimbawa, an bagay na igwa nin masa na sarong kilogramo iyo may gabat na harus 9.8 newtons sa ibabaw kan Kinaban, sagkod harus 1/6 kan sa Bulan. Maski ngani an gabat asin an masa iyo lain na siyentipikong kantidad, an mga termino minatao nin pagkaribong sa urualdaw na paggamit (i.e. pagkompara asin pagpalis kan puwersa-gabat sa libra pasiring sa masa sa kilograma sagkod an kabaliktadan).^[8]