Inhenyeriya
An inhenyeriya, inhenyeria, o inhinyeriya (Ingles: engineering) iyo an paggamit nin siyensya sa paghaman asin pagtugdok nin mga makina, istraktura, asin iba pang mga bagay, kabali na an mga tulay, tunnel, tinampo, behikulo, asin edipisyo.[1] An disiplina kan inhenyeriya iyo minasakop sa mahiwas na rango nin mga espesyalisadong lado nin inhenyeriya, kun sain an kada saro iyo may mas ispesipikong empasis sa partikular na lado nin aplikadong matematika, aplikadong siyensya, asin mga klase nin aplikasyon.
An terminnong inhenyeriya iyo gikan sa Latin na ingenium, boot-sabihon "marikas na pagkanood" asin ingeniare, boot-sabihon "maghaman".[2] Inaapod na inhenyero o inhinyero (engineer) an mga tawong yaon sa propesyong ini. An kinaibahan ninda sa mga siyentista iyo ta an mga inhinyero an "kag-gibo" asin an mga siyentista daa an "kag-aram".
Mga klasipikasyon
May apat na primerong klasipikasyon an inhenyeriya iyo ini an inhinyeriyang pangkimika, sibil, elektrikal, asin mekanikal.[3]
- Inhinyeriyang pangkimika (Chemical engineering)
- Inhinyeriyang sibil (Civil engineering)
- Inhinyeriyang elektrikal (Electrical engineering)
- Inhinyeriyang mekanikal (Mechanical engineering)
Sa paghaloy nin panahon igwang mga dugang na klasipikasyon nin inhenyeriya an mga nagluwas bilang propesyon. Ini mga ispesipiko o pagsalak-salak gikan sa mga primerong klasipikasyon kan inhenyeriya.[3]
- Inhinyeriyang pang-agrikultura (Agricultural engineering)
- Inhinyeriyang pangbiyomedika (Biomedical engineering)
- Inhinyeriyang pangkompyuter (Computer engineering)
- Inhinyeriyang pang-elektroniko (Electronics engineering)
- Inhinyeriyang pangkapalibotan (Environmental engineering)
- Inhinyeriyang pang-industriya (Industrial engineering)
- Inhinyeriyang pangdagat (Marine engineering)
- Inhinyeriyang materyal (Materials engineering)
- Inhinyeriyang pangmetal (Metallurgical engineering)
- Inhinyeriyang pagmimina (Mining engineering)
- Inhinyeriyang nukleyar (Nuclear engineering)
- Inhinyeriyang pangpetrolyo (Petroleum engineering)
Mga panluwas na takod
| An Wikimedia Commons igwa nin medya dapit sa Inhenyeriya. |
An diksyunaryong boot sabihon kan inhenyeriya sa Wiktionary
Mga relatibong materyales nin pagkanood para sa Inhenyeriya duman sa Wikiversity
Mga relatibong Quotation para sa Inhenyeriya duman sa Wikiquote
Mga relatibong gibo para sa Inhenyeriya sa Wikisource
