Inhinyeriyang sibil
An inhinyeriyang sibil (Ingles: civil engineering) iyo sarong propesyonal na inhinyeriyang disiplina manungod sa disenyo, konstruksyon, asin pagmantinido kan pisikal asin natural na nahamang kapalibotan, kabali na an pampublikong kagibohan arug kan mga tinampo, tulay, kanal, dam, palayogan, sistema nin pag-apon basura, linya nin tubo, istraktural na komposisyon nin mga edipisyo, asin sagkod riles.[1][2]
An inhinyeriyang sibil iyo tradisyonal na nababanga sa pirang mga sub-disiplina. Pigkokonsidera ini bilang an ikaduwa sa pinakagurang na inhinyeriyang disipilna pagkatapos kan militaryang inhinyeriya,[3] asin iyo pigtawang depinisyon tanganing malain an dae-militaryang inhenyeriya gikan sa militaryang inhenyeriya.[4] An inhinyeriyang sibil iyo nagagamit sa pampublikong sektor gikan sa mga departamento kan pampublikong kagibohan sa munisipyo hasta sa mga ahensya kan pederal na gobyerno, sagkod sa pribadong sektor gikan sa mga lokal na organisasyon hasta sa pankinabang Fortune 500 na mga kompanya.[5]
