Kulog

An kulog (Ingles: pain) iyo sarong nakapupurisaw na pagmate na parateng kawsa nin grabe o nakadadanyar na stimuli. An International Association for the Study of Pain tinatawan nin kahulogan an kulog bilang "sarong dai nakakaogmang pagmate asin emosyonal na eksperyensia na konektado sa, o pagkakaagid na konektado sa, aktwal o potensial na danyos sa tisyu." Sa medikal na diagnosis, an kolog ibinibilang na sintomas nin malaen na kamugtakan.

An kulog nagmomotibar sa indibidwal na likayan an nakadadanyar na mga sitwasyon, protehiran an naraot na kabtang kan hawak mantang iyan nararahay, asin likayan an kaagid na mga eksperyensia sa ngapit.^[1] An kadaklan na kolog nararahay kapag an noxious stimulus iyo nahale asin maomayan an hawak, alagad tibaad magpadagos iyan sa ibong kan paghale kan stimulus asin garo baga pagkaomay kan hawak. Kun beses minalataw an kulog kun mayo nin ano man na maririsang stimulus, danyos o helang.^[2]

An kulog iyo an pinakakomun na dahelan kan pagkonsulta sa doktor sa kadaklan na mauswag nang nasyon.^[3][4] Iyan sarong mayor na sintomas sa dakol na medikal na kamugtakan, asin pwedeng makaolang sa kwalidad nin buhay asin sa pankagabsan na pagpunsionar.^[5] An simpleng bulong sa kulog magagamit sa 20% sundo sa 70% nin mga kaso.^[6] An mga salik na sikolohikal arog baga kan sosyal na pagsuportar, cognitive behavioral therapy, kaogmahan, o pagkadisturbo puedeng makaapektar sa intensidad kan kulog o makuring marhay.^[7][8]

Sa nagkapirang debate mapadapit sa paghugot na may doktor o euthanasia, an kolog ginamit bilang argumento tanganing togotan an mga tawo na may helang na ikagagadan na taposon an saindang buhay.^[9]