Kurt Vonnegut

Si Kurt Vonnegut (/ˈvɒnəɡət/; Nobyembre 11, 1922 – Abril 11, 2007) sarong Amerikanong parasurat asin humorista na bantog sa saiyang patuya' asin mangiring-makangirit na mga nobela.^[1] Sa karera niyang nag'ayaw nin sobrang 50 taon, siya nakapapublikar nin katorseng nobela, tolong halipot na istoryang mga koleksyon, limang drama, asin limang non-piksyon na trabaho; mga iba pang koleksyon nagruluwas pa pakagadan niya.

Kurt Vonnegut
Vonnegut kan 1972
Minundagan	Kurt Vonnegut Jr. (1922-11-11)Nobyembre 11, 1922 Indianapolis, Indiana, E.U.
Kagadanan	Abril 11, 2007(2007-04-11) (edad 84) New York City, E.U.
Kasibotan	Parasurat
Edukasyon	Cornell University Carnegie Mellon University University of Tennessee University of Chicago (MA)
Genre	Satire gallows humor science fiction
Hirong pagsurat	Postmodernismo
Mga taon na aktibo	1951–2007
Mga akì	3 biological, including Mark and Edith 4 adopted, including Steve Adams
Lagdâ

Namundag asin nagdakula sa Indianapolis, si Vonnegut nag'atender sa Cornell University alagad huminale igdi kan Enero 1943 ta nagpalista sa US Army. Bilang parte kan saiyang training, siya nag'adal nin mechanical engineering sa Carnegie Institute of Technology (ngonyan Carnegie Mellon University) asin sa University of Tennessee. Dangan siya nadestino sa Europa sa paglaban sa Ikaduwang Gerang Pankinaban saka nadakop kan mga Aleman durante kan sa inapod na Battle of the Bulge. Siya ikinonkon sa Dresden, kun saen siya nakalusot-buhay sa Pagbomba nin mga Alyado kan syudad ta siya yaon sa laog kan sarayan-karne kan bunoan kun saen siya napepreso. Pakagera, saiyang inagom si Jane Marie Cox, na igdi igwa siyang tolong aki. Si Vonnegut pig'ampon tolo kan mga aki kan tugang niyang babae kan an huri nagadan sa kanser asin agom kaini nagadan sa aksidente sa tren. Siya asin saiyang agom nag'atender sa University of Chicago, mantang siya nagtatrabaho komo reporter na pambanggi sa City News Bureau.

Si Vonnegut napubliklar enot niyang nobela na magayon an pagrebyu alagad mayo man nin kinita na toltol kan panahon na idto. Sa mga 20 anyos na nagsurunod, siya nagpublikar magkapirang nobela na marayrahay an pagsabat kan mga parabasa, an duwa kaini iyo an—The Sirens of Titan (1959) asin Cat's Cradle (1963)—na nanominar sa Hugo Award para sa 'best science fiction' o 'fantasy novel of the year'. Siya nagpaluwas nin halipot na istoryang koleksyon tituladong Welcome to the Monkey House kan 1968. An saiyang dakulang eksito iyo kan magpaluwas siya kan ikaanom na nobela na nagbentang husto asin maray na gayo an mga umaw kaini, an Slaughterhouse-Five (1969). An sentimyentong "kontra-gera" na laman kan saiyang nobela nagkabray nin parehong mate sa mga parabasa sa tanga kan nag'agabaab na Gerang Byetnam, asin mga reparo kaini marayrahay. An Slaughterhouse-Five nagsukdo paitaas sa The New York Times Best Seller list, na nagtolod ki Vonnegut sa kabantogan. Siya naagda nang magtaong lektura, mga platika, asin commencement address sa palibot kan nasyon, dangan siya nagresibe nin mga onra asin mga premyo.

Dangan sa huri kan saiyang karera, si Vonnegut nagpublikar nin magkapirang autobiographikal na saysay asin mga halipot na istoryang koleksyon, siring kan Fates Worse Than Death (1991) asin A Man Without a Country (2005). Pakagadan niya, siya nabantolin na saro sa importanteng kontemporanyong parasurat asin [Komedyang pagtuya'|para-ulog'ulog]] na komentarista dapit sa Amerikanong sosyedad. An aki niyang si Mark nagpublikar nin kadamotan kan mga dai pa napublikar na mga obra niya, tituladong Armageddon in Retrospect, kan 2008. Kan 2017, Seven Stories Press nagpublikar kan Complete Stories, sarong pagtitipon kan mga halipot na piksyon, kabali an limang dai pa napublikar na mga osipon. Complete Stories pigdamot asin tinipon kan mga amigo ni Vonnegut asin kan mga iskolar na sinda Jerome Klinkowitz asin Dan Wakefield. Dakul na mga seryosong pag'aadal kan saiyang mga obra asin mga pangisi an nagruluwas man.