Pol Pot
Si Pol Pot (Khmer: ប៉ុល ពត; Mayo 19, 1925 – Abril 15,1998),[1] namundag Saloth Sar (Khmer: សាឡុត ស)), sarong Kambodyanong rebolusyunaryo na namoon sa Khmer Rouge[2] poon 1963 abot 1997. Poon 1963 sundo 1981, nagserbi siyang Sekretaryo Heneral kan Partido Komunista kan Kampuchea.[3] Resulta kaini, siya an nagin lider kan Kambodya poon Abril 17, 1975 kan an pwersa niya nasakop an Phnom Penh. Poon man 1976 abot 1979, siya nagserbi man primer ministro kan Demokratikong Kampuchea.
| Pol Pot ប៉ុល ពត | |
|---|---|
 | |
| General Secretary kan Partido Komunista nin Kampuchea | |
| Termino 22 Pebrero 1963 – 6 Desyembre 1981 | |
| Deputy | Nuon Chea |
| Suminunod ki | Tou Samouth (1962) |
| Primer ministro kan Demokratikong Kampuchea | |
| Termino 25 Oktobre 1976 – 7 Enero 1979 | |
| President | Khieu Samphan |
| Deputy |
|
| Suminunod ki | Nuon Chea |
| Sinundan ni | Pen Sovan (1981) |
| Termino 14 Abril 1976 – 27 Setyembre 1976 | |
| President | Khieu Samphan |
| Deputy |
|
| Suminunod ki | Khieu Samphan |
| Sinundan ni | Nuon Chea |
| Personal na mga detalye | |
| Kamundagan | Saloth Sâr 19 Mayo 1925 |
| Kagadanan | 15 Abril 1998 (edad 72) |
| Partido politikal | Partido nin Demokratikong Kampuchea (1981–1993) Partido Komunista nin Kampuchea (1960–1981) |
| Agom | Khieu Ponnary Mea Son |
| Mga aki | Sar Patchata |
| Lagda |  |
| Military service | |
| Allegiance | Khmer Rouge Demokratikong Kampuchea |
| Serbisyo/sangay | Rebolusyonaryong Hokbo nin Kampuchea |
| Ranggo | Heneral |
An saiyang pamomoon sa Kambodya bantog sa maringis na pagtrato sa sadiri niyang kahimanwa mala ta sinasabing napagadan niya an haros 25% kan populasyon sa kun ano-anong rason. Sa saiyang liderato, hinale niya an pagtubod sa diyos, pribadong pagsasadiri nin daga asin poder pulitika itinipon sana sa liderato sentral.[4]
si Pol Pot naghasok nin sarong lubos na diktadurya na kun saen an mga nag'eestar sa mga lugar na urban hinakot asin pinaestar sa mga pwera asin pinatrabaho sa mga umang pagsasadiri nin kagabsan na pinapadalagan kan gobyerno, asin inuuripon pa sa mga proyektong pampubliko. Sa saiyang liderato, ginagaom na huli sa mga daing-herak na pagpagadan sa mga kalaban pulitika, sa malnutrisyon, asin daing toltol na pag'asikaso medikal kan populasyon, tinataya na ini nagkawsa nin pagkagadan nin poonsarong milyon abot tolong milyon na namamanwaan sa bilang nin walong milyon na residente sa nasyon.[5]
Kan 1978, pakadaog kan gobyerno Khmer Rouge sa gera laban sa Biyetnam kan an huri linusob an nasyon na Kambodya, ta tuyo siyang pinatalsik sa poder, si Pol Pot nag'atras sa kakadlaganan kan Habagatan-Solnopan nin Kambodya, harani sa pagdolonan kan Tailandya.[6]. Poon 1979 abot 1997, siya asin an saiyang mga natatadang kakampi sa Khmer Rouge aktibo pang naghihiro sa pag'ultan kan Kambodya asin Tailandya, asin binibisto pang iyo an gobyernong legal kan United Nations. Si Pol Pot nagadan kan 1998 manta na yaon sa pagka'aresto kan paksyon ni Ta Mok sa Khmer Rouge. Poon kan saiyang pagkagadan, dakul an huringhuding naglakop na siya naghugot o tuyong hinilo.[7]
