Алікантэ

	Алікантэ
	гішп. Alicante
Герб Алікантэ	Сьцяг Алікантэ
Дата заснаваньня:	мерк. 231 да н. э.
Краіна:	Гішпанія
Аўтаномная супольнасьць:	Валенсія
Правінцыя:	Алікантэ
Кіраўнік:	Luis Barcala[d]
Плошча:	201,27 км²
Вышыня:	3 м н. у. м.
Насельніцтва (2011)
колькасьць:	334 329 чал.
шчыльнасьць:	1661,1 чал./км²
Часавы пас:	UTC+1
летні час:	UTC+2
Тэлефонны код:	966, 965
Паштовы індэкс:	03000–03016
Нумарны знак:	A
Геаграфічныя каардынаты:	38°20′43″ пн. ш. 0°28′59″ з. д. / 38.34528° пн. ш. 0.48306° з. д. 0°28′59″ з. д. / 38.34528° пн. ш. 0.48306° з. д.
	Алікантэ на мапе Гішпаніі Алікантэ
	Галерэя здымкаў у Вікісховішчы
	http://www.alacant.es/ingles/

Алікантэ (па-гішпанску: Alicante; па-валенсійску: Alacant ) — горад і порт у Гішпаніі, які месьціцца ў аўтаномнай супольнасьці Валенсія. Насельніцтва гораду Алікантэ складае 334 329 чалавек, паводле ацэнак за 2011 год, зьяўляючыся, такім чынам, другім паводле велічыні горадам у супольнасьці^[3]. З улікам бліжэйшых муніцыпалітэтаў, аглямэрацыя Алікантэ мае 462 281 жыхара.

Гісторыя

Прыкладна 2500 гадоў таму на месцы сучаснага Алікантэ разьмяшчалася невялікая ібэрыйскае паселішча. Грэкі, якія прыйшлі ў гэтыя месцы, заснавалі тут горад гандлёвай калёніі-крэпасьці. Горад знаходзіўся пад уладай Картагену. Пазьней горад быў заваяваны рымлянамі, якія перайменавалі яго ў Люцэнтум (лац. Lucentum), што азначае «горад светлага зьзяньня». Археалягічныя раскопкі старажытнага ібэра-раманскага гораду на сёньняшні дзень зьяўляюцца аднымі з найбольш значных славутасьцяў Валенсіі. У VIII стагодзьдзі горад заваявалі маўры. Іхнае панаваньне вырабіла значны ўплыў на разьвіцьцё гораду.

У XVI стагодзьдзі Алікантэ быў вызвалены кастыльскім войскам, а праз 300 гадоў ён стаў важным гандлёвым портам Гішпаніі. У гэты пэрыяд эканамічнага ўздыму горад інтэнсіўна забудоўваўся й рэканструяваўся. Многія архітэктурныя помнікаў гэтага часу захаваліся і да нашых дзён. Выдатнае геаграфічнае становішча стала прычынай таго, што горад заўсёды падвяргаўся ціску з боку заваёўнікаў. Сёньня Алікантэ зьяўляецца адным з найбуйнейшых гарадоў супольнасьці Валенсія.

Эканоміка

82,4% насельніцтва занятыя ў сфэры паслугаў, у першую чаргу — гандлю й турызму. Разьвітая банкаўская справа, адукацыя. 6,2% насельніцтва занятыя ў прамысловасьці. Аснова эканомікі — пляжны турызм, экспарт віна, аліўкавага алею, цытрусавых і садавіны, лёгкая прамысловасьць.