Беларусь 1

У 1955 годзе пры падрыхтоўцы да адкрыцьця Менскага тэлецэнтра пачалі выпускаць тэлевізары «Беларусь», якія мелі па 19 лямпаў і памер экрана 18х24 см. 1 студзеня 1956 году з экранаў упершыню прагучала «Гаворыць Менск!» 8 сакавіка 1956 году Менскі тэлецэнтар урачыста ўвялі ў дзеяньне, пасьля чаго перадачы сталі праводзіць тройчы на дзень. Тэлевізары ўсталявалі ў амаль 50 паселішчах Менскай і Маладэчанскай вобласьцяў Беларускай ССР^[2]. Першыя перадачы мелі магчымасьць бачыць каля 4 тыс. гледачоў, а тэлецэнтар вяшчаў на адным канале 6 гадзінаў у суткі, радыюс вяшчаньня складаў 60 км. Каляровыя перадачы зьявіліся ў этэры ў 1974 годзе^[3].

У 1980 г. тэлеканал «Беларускае тэлебачаньне» займеў самастойную праграму, якая пакрывала 70% земляў Беларускай ССР. Дагэтуль перадачы паказваліся ўкліньваньнем на частасьці Першай праграмы Цэнтральнага тэлебачаньня СССР(ru). Высілкамі старшыні Дзяржаўнага камітэту тэлерадыёвячаньня БССР Генадзя Бураўкіна (1978—1990) «Беларускае тэлебачаньне» цалкам замяніла ў БССР 2-ю Маскоўскую праграму Цэнтральнага тэлебачаньня СССР на яе ранейшых частасьцях. Звыш 60% вяшчаньня самастойнай праграмы «БТ» склалі перадачы на беларускай мове^[4].

На 8 кастрычніка 2003 г. за часам кіраваньня БТРК расейцам Ягорам Рыбаковым адбыўся перавод перадачаў тэлеканала на расейскую мову^[5]. 1 ліпеня 2005 г. пачаў лічбавае вяшчаньне ў Менску^[6]. У 2006 годзе зьмяніў лягатып са старога «БТ» на лягатып «Першы»^[7]. Ад 1 студзеня 2013 дырэктарам тэлеканалу «Беларусь 1» стаў Глеб Шульман^[8].

17 жніўня 2020 году адбыліся акцыі пратэсту й забастоўкі супраць вынікаў прэзыдэнцкіх выбараў у Беларусі 2020 году. Дзяржаўнае тэлебачаньне таксама страйкавала, «Беларусь 1» паказваў спачатку пустую студыю, а потым паўторы старых праграмаў^[9].

Напрыканцы верасьня 2020 году ў этэры каналу былі паказаны прызнальныя паказаньні ад групы людзей, якім нібыта заплацілі каардынатары за ўдзел у пратэстах^[10]. Паводле сьведчаньняў аднаго з пацярпелых, 29 верасня 2020 году ў РУУС Першамайскага раёну Менску Мікалай Карпянкоў здымаў відэаролікі, пасьля й паказаныя па «Беларусь 1», асабіста й камандаваў групаю сілавікоў, якая выбівала ілжывыя паказаньні ад групы людзей, схопленых ГУБАЗіКам, якіх зьбіцьцём і пагрозамі прымушалі сказаць на камэру, што ім заплацілі каардынатары^[10].

• 50 рэцэптаў першага (субота, 10:45; вядоўцы Іван Лятохін, Марына Кандрацьева);
• Выйсьце ёсьць (Субота, 13:25; вядоўца — Сьвятлана Бароўская);
• Існасьць (субота, 6:45); (бел.)^[11];
• XXL WOMAN TV (нядзеля, 09:40; вядоўцы Алёна Ланская і Глеб Давыдаў);
• Давярай і правярай (субота, 16:35; вядоўца Арцём Рыбакін);
• Гісторыі рамонту (субота, 12:10; вядоўца Алеся Зелянко);
• Здароўе (субота, 12:50; вядоўцы Зьміцер Аўдзевіч, Сяргей Жбанкоў і Ірына Пацяюк)^[12];
• Terra incognita. Беларусь невядомая (пятніца, 17:25; вядоўца — Максім Нямчынаў);
• Каробка перадачаў (нядзеля, 13:40; вядоўцы Арцём Рыбакін і Кацярына Коба)^[13];
• Кулінарная дыпляматыя (субота, 09:50; вядоўца Ларыса Гулякевіч);
• Дзень у вялікім горадзе (аўторак-пятніца, 13:05);
• Белорусское времечко (аўторак-чацьвер, 17:30);
• Добрай раніцы, Беларусь (штодня па-беларуску, 6:00; вядоўцы Дзяніс Дудзінскі і Сьвятлана Бароўская, Дар’я Новік і Дзьмітры Новік, Глеб Давыдаў і Вольга Мядзьведзева, Вольга Рыжыкава і Яўген Перлін, Сьцяпан Гутнікаў і Надзея Цімафеева)^[14];
• Пра ежу! (субота-нядзеля 10:50; вядоўцы Аляксандар Петрыман, Антон Каленік, Хуліё Рывэра, Ін’яцыа Роза, Эдуард Цібілаў, Антон Кабанаў і іншыя)

Агенцтва тэлевізійных навінаў

На 2021 год Агенцтва тэлевізійных навінаў Белтэлерадыёкампаніі рыхтавала звыш 30 пастаянных тэлеперадачаў^[15].

• Зроблена ў Беларусі^[16];
• «Краіна» (субота, 15:15; вядоўца Павал Лазовік) (бел.)
• Буйным плянам (раз на два тыдні ў аўторак; вядоўца Марат Маркаў)^[17];
• «Мы — спецназ» ^[18];
• Навіны надвор’я (вядоўца Сьвятлана Панкратава)^[19];
• Арэна (вядоўца Вольга Барабаншчыкава)^[20];
• Галоўны этэр (нядзеля; вядоўцы Вікторыя Сянкевіч, Дзьмітры Бачкоў, Алена Насачова, Паліна Шуба, Сяргей Гусачэнка)^[21];
• Навіны. Цэнтральны рэгіён (вядоўцы Натальля Тарасюк і Сяргей Лугоўскі)^[22];
• Лёс гігантаў (вядоўца Юры Ярошык)^[23];
• Панарама (штодня; вядоўцы Вікторыя Сянкевіч, Дзьмітры Бачкоў, Паліна Шуба, Тацяна Някрасава, Алена Насачова, у мінулым Інга Хрушчова)^[24];
• Актуальнае інтэрвію (штотыдзень)^[25];
• Каб усе так Geely! (вядоўцы Якаў Бута і Дзіяна Равякова)^[26];
• Вакол плянэты (субота, 14:15; вядоўцы Анатоль Ліпецкі, Юлія Табалевіч)^[27];
• Ведай нашых^[28];
• Дзень спорту (панядзелак-пятніца)^[29];
• Дыялёгі аб цывілізацыі (панядзелак, 15:50 і пятніца, 12:35; Андрэй Крывашэеў)^[30];
• Журналісцкае расьсьледаваньне (нядзеля)^[31];
• Зона Х (панядзелак-чацьвер, 18:45 і пятніца, 17:55)^[32];
• Зямля Беларуская (бел.)^[33]
• Клюб рэдактараў (нядзеля; аўтар і вядоўца — Генадзь Давыдзька)^[34];
• Нявынікі (субота; аўтарская перадача Максіма Меты)^[35];
• Пра гаджэты (аўторак і чацьвер, перадача Максіма Меты)^[36];
• Раскадроўка (штотыдзень; вядоўца Юры Ярошык)^[37];
• Таямніцы сьледзтва (вядоўца Ягор Лівай)^[38];
• У курсе (вядоўцы Дзіяна Равякова і Натальля Тарасюк)^[39];
• Форум (панядзелак; вядоўца Дзьмітры Бачкоў)^[40];
• Твой горад (нядзеля 15:15; вядоўцы Дар’я Бігун і Анастасія Багамолава)^[41];
• Сфэра інтарэсаў (аўторак, сераду, чацьвер у 19:20, 00:00; вядоўцы Сяргей Воляк, Андрэй Лапцёнак) ^[42];
• Спэцыяльны рэпартаж^[43];
• Сымбаль Перамогі^[44];
• Сіла веры^[45];
• Пра мастацтва (вядоўцы Ніна Мажэйка і Міхал Равуцкі)^[46];
• Тыдзень Радзівілаў^[47];
• Тыдзень бізнэсу^[48];
• Нацыянальная трылёгія. Гімн. Герб. Флаг^[49];
• Фільм «Нацыянальная дылогія. Статут ВКЛ»^[50];
• Нашы^[51];
• Мая Беларусь^[52];
• «Мірны тур» (рэаліці-шоў)^[53];
• «Метро» (спэцыяльны рэпартаж)^[54];
• Курская бітва (аўтар Якаў Бута)^[55];
• «Канцавая станцыя» (відэафільм)^[56];
• Дзень спорту (штодзень)^[57];
• Навіны эканомікі (штодзень ад панядзелка да пятніцы ў 07:05, 08:05; вядоўцы Сяргей Воляк, Андрэй Лапцёнак, Вольга Зяленская)^[58];
• Галявая перадача^[59];
• Вялікі рэпартаж^[60];
• БеларусьLIFE^[61].

• «Вось дык шоў!»
• «Жыцьцё як жыцьцё»
• «Уласнай пэрсонай»
• «Ранішняя хваля»
• «Шпілька»
• «ВідэаЭнцыкляпэдыя Беларусі» (бел.)^[62]
• «Каталіцкія сьвятыні Беларусі» (бел.)^[63]
• «Арсэнал» (вядоўцы Сяргей Собаль і Сьвятлана Віткоўская)^[64]
• «Урачэбныя таямніцы з доктарам А. Цярэшчанкам» (вядоўца Аляксандар Цярэшчанка)^[65]
• «Заўтра — гэта мы»^[66]
• Калыханка (бел.)
• «Культурныя людзі плюс» (нядзеля, 12:10; вядоўцы Зьміцер Кахно і Натальля Лук’янцава)^[67]
• «Усё як мае быць» (па-расейску: Всё путём)^[68]
• «Перазагрузка»^[69]

Асноўны артыкул: Прапаганда ў Беларусі

Асноўны артыкул: Свабода слова ў Беларусі

Міжнародныя экспэрты й беларуская апазыцыя(be) традыцыйна называюць дзяржаўнае тэлебачаньне адным з найважнейшых прапагандысцкіх інструмэнтаў рэжыму Лукашэнкі. Яго абвінавачваюць у дэзынфармацыі, апраўдваньні і прапагандзе палітычных рэпрэсіяў, стварэньні няроўных умоваў і пакрывальніцтве фальсыфікацыяў пры правядзеньні выбараў, ачарненьні крытыкаў рэжыму^[70][71].

Супрацоўнікі й топ-мэнэджэры дзяржаўных дзяржаўных тэлеканалаў, у тым ліку Белтэлерадыёкампаніі, якой належыць «Беларусь 1», неаднаразова траплялі ў Чорны сьпіс Эўразьвязу, сьпіс спэцыяльна прызначаных грамадзянаў і заблякаваных асобаў^{[прыбраць шаблён]} ЗША^[72][73][74].

Паводле журналісткі агенцыі тэленавінаў(ru), якая пакінула канал падчас пратэстаў у Беларусі ў жніўні 2020 году, на «Беларусь 1» існавала сур’ёзная цэнзура^[75]. Напрыклад, існаваў сьпіс людзей, імёны якіх нельга згадваць у навінах, які ўключаў апазыцыйных палітыкаў, існаваў чорны сьпіс эканамістаў і палітолягаў, у якіх нельга было браць камэнтары, не дапушчалася ўжываньне ў сюжэтах слоў «сталінізм», «культ асобы», «ГУЛаг»^[75]. Існаваньне цэнзуры таксама пацьвердзіў журналіст АТН Аляксандар Лучонак, які таксама звольніўся ў пратэст на прапаганду^[76].

Праграма тэлеперадач «Беларусь 1» // Белтэлерадыёкампанія, 14 жніўня 2020 г. Праверана 14 жніўня 2020 г.

• • Анлайн-вяшчаньне

Гэта — накід артыкула пра Беларусь. Вы можаце дапамагчы Вікіпэдыі, пашырыўшы яго.