Володин, Вячеслав Викторович

Вина 1964 шеран 4 февралехь Саратовн областан Хвалынан кӀоштара Алексеевка посёлкехь дуккха а бераш долчу доьзалехь. Да хилла эркан флотан капитан, велла 51 шо долуш. Да веллачул тӀаьхьа кхиийна ненан майрачо^[5][6]. Йиша — консалтинган фирмин белхало, ваша — тӀеман пенсионер. Уьш берриш, Володина чӀагӀдарехь, беха Саратовн областехь.

Нана Барабанова Лидия Петровна (йина 1936 шарахь) чекхйаьккхина Саратовн хьехархойн доьшийла. Дешар чекхдаьлча Ленинграде хьажийра, амма реза ца хилла даймахкахь йисира, хӀунда аьлча, ца лиира къанйелла нана ша йита. Болх бира йуьртан ишколехь йуьхьанцара классийн хьехархо^[5][7][8]. 2006 шарахь дуьйна йу 6 болх беш йолчу коммерцин фирман да.

Ишкол чекхйаьккхинчул тӀаьхьа Володин дӀахӀотта гӀерташ вара оцу заманахь уггаре лоручех цхьаъ йолу лдме — Москохан лакхара техникин Бауманан цӀарах доьшийла, амма тӀаьххьара сацам бира шен областехь деша, дӀахӀоьттира Саратовн йуьртан бахаман механизацин институте (СЙБМИ), иза чекхйаьккхира 1986 шарахь. Ишттачу харжаман цхьа бахьна хилира доьзалан гӀодан эшар^[8][9][10].

Институтехь жигара лелийра йукъараллин гӀуллакх: лахарчу курсашкахь болх бира говзбертан хӀусаман-бахаман комиссехь, студтобанийн комиссар вара.

1984—1988 шерашкахь болх бира СЙБМИ студентийн говзкоман председателан штатан даржехь^[9][10]. 1985 шарахь ССКП велира^[10].

1986 шарахь СЙБМИ машенийн ремонт кечйар а, технологеш а факультет «инженер-механик» говзаллица чекхйаьккхинчул тӀаьхьа, хӀоьттира аспирантуре. 1989 шарахь диссертации йаздира техникин Ӏилманийн кандидатан тӀегӀа йоккхуш, тема йара «ГӀад долу докъар озаран, дозанан параметраш кечйар а, бухбиллар а»^[10][11].

1986 шарахь дуьйна — хьехархочун балхахь.

1990 шарахь хаьржина Саратовн гӀалин кхеташонан депутат.

1992 шарахь дуьйна — Саратовн администрацин куьйгалхочун гӀовс. 1994 шарахь дуьйна — Саратовн областан думин председателан гӀовс.

1993—1996 шерашкахь Ийдалйистан кадрийн центрехь (1995 шарахь дуьйна — Ийдалйистан пачхьалкхан гӀуллакхан академи) проректор болх бира, вара ИПГӀА конституцин бакъонан кафедрин профессор, пачхьалкхан а, регионийн а урхаллин кафедрин куьйгалхо^[10].

1995 шарахь чекхйаьккхира РФ Президент волчура Российн пачхьалкхан гӀуллакхан академи, юристан говзалла схьаийцира^[10][12].

1996 шарахь — Саратовн областан вице-губернатор. Оцу даржехь иза волчу цхьана шарахь Саратовн областехь дина даьккхира дакъанаш дехкина гӀишлошйаран 30 цӀа, 20 керла ишкол, 3 000 км газан биргӀа, бӀенаш эзар квадратан метр йина хӀусмаш.^[8] Кхин дӀа пачхьалкхан гӀуллакхера дӀа а ваьлла Москоха а вахана, бизнес лело волавелира, ткъа тӀаьхьа — «Даймохк» боламан партийиллар^[13], цуьнан коьртехь вара Лужков Юрий. Володин областан вице-губернаторан даржера дӀаваларан бахьна, 1996 шарахь Саратовн областан губернатор хиллачу Аяцков Дмитрийца дов даларех эладиташ, бакъ ца дира ша Аяцковс, цуо чӀогӀа хастайора Володинан профессионалан говзаллаш.^[14]

1996 шарахь Петарбухан ЧГӀМ институтехь чекхдаьккхира юридически Ӏилманийн докторан Ӏилманан тӀегӀа йаккхаран диссертации, тема йара «Российн Федерацин субъект: Ӏедалан, законашкхолларан, урхаллин новкъарлонаш».^[15].. 50 сов зорба тоьхначу белхийн автор^[16].

• «Даймахкан гӀуллакхаш дарна» III тӀегӀанан орден (2012 шо)^[17][18].
• «Даймахкан гӀуллакхаш дарна» IV тӀегӀанан орден (2006 шеран 20 апрелехь) — законашкхолларан гӀуллакхехь доккха дакъа лацарна а, дуккха шерашкахь хьанала къахьегарна а^[19].
• Сийлаллин орден (2003 шеран 14 апрелехь) — жигара законашкхолларан гӀуллакхашна а, дуккха шерашкахь хьанала къахьегарна а^[20].
• ДоттагӀаллин орден (1997 шеран 15 августехь) — Пачхьалкхан гӀуллакхаш дарна а, область (Саратовн) социалан-экономикин кхиорехь доккха дакъа лацарна а^[21].
• Российн Федерацин хьакъ долу юрист (2009 шеран 3 январехь) — низам чӀагӀдарехь гӀуллакхаш дарна а, жигара законашкхолларан гӀуллакхашна а^[22].
• Кони Анатолийн мидал (Российн Федерацин Юстицин министралла, 2009 шо)^[23].
• «БӀаьхьаллин доттагӀаллин» мидал (Российн ЧГӀМ, 2006 шо).
• Ртищево гӀалин а, Ртищевн муниципалан кӀоштан а сийлахь гражданин (2010 шеран январь)^[24].
• Примаковн мидал (Российн Федерацин Арахьара гӀуллакхийн министралла, 2019 шо)^[25].

• Официальный личный сайт
• Персональная страница на сайте фракции «Единая Россия»
• Биография на официальном сайте ИТАР-ТАСС
• Депутат Государственной Думы Володин Вячеслав Викторович
• Володин Вячеслав Викторович на Декларатор.org