دیان کولوسێڤسکی

کاروانی سەرەتایی

کولوسێڤسکی لە ستۆکھۆڵم لەدایکبووە و لە تەمەنی شەش ساڵیدا چووە ناو ئەکادیمیای گەنجی برۆماپۆجکارنا.^[٣]

ئەتلەنتا

وەرزی ٢٠١٨–١٩

لە ٧ی تەممووزی ٢٠١٦ چووە سیستەمی لاوانی ئەتلەنتا لە برۆماپۆجکارناوە، پێش ئەوەی ھیچ یارییەک بۆ پێکھاتەی یەکەمی یانەکە ئەنجام بدات.^[٤] لە ٢٠ی کانوونی دووەمی ٢٠١٩ یەکەمین یاری خۆی لە خولی پلە یەکی ئیتاڵی (سێریا ئەی) ئەنجامدا، وەک یەدەگ لە جێگەی مارتن دی ڕۆۆن لە بردنەوەی ٥–٠ بەرامبەر فۆرسینۆنی لە دەرەوەی یاریگای خۆیان.^[٥][٦] لە وەرزی ٢٠١٨–١٩ سێ یاری بۆ یانەکە ئەنجامدا، ھەموویان وەک یەدەگ.^[٧]

خواستن بۆ پارما (٢٠١٩–٢٠)

لە ١٨ی تەممووزی ٢٠١٩، کولوسێڤسکی گرێبەستێکی بە شێوەی خواستن لەگەڵ یانەی پارما واژوو کرد تا ٣٠ی حوزەیرانی ٢٠٢٠.^[٨] یەکەم گۆڵی خۆی لە خولی پلە یەکی ئیتاڵی تۆمارکرد لە بردنەوەی ٣–٢ لە یاریگای خۆیان بەرامبەر تۆرینۆ، لە ٣٠ی ئەیلوولدا.^[٩]

یۆڤانتۆس

گەڕانەوە بۆ پارما (٢٠١٩–٢٠)

دوای ئەو ئاستە بەرزەی پێشکەشی کرد لە بەشی یەکەمی وەرزی ٢٠١٩–٢٠ بە خواستن لە پارما، کە چوار گۆڵی تۆمارکرد و حەوت ئەسیستی پێشکەش کرد لە ١٧ یاری خولدا، لە ٢ی کانوونی دووەمی ٢٠٢٠، کولوسێڤسکی گواسترایەوە بۆ یانەی یۆڤانتۆس بۆ ماوەی چوار ساڵ و نیو، بە بڕی ٣٥ ملیۆن یۆرۆ، کە لەوانەیە بەرزبێتەوە بۆ ٤٤ ملیۆن یۆرۆ لەگەڵ بۆنسەکان و گۆڕانکارییەکان.^[١٠]

کولوسێڤسکی بە خواستن گەڕێندرایەوە بۆ پارما بۆ تەواوی وەرزەکە.^[١١][١٢] ئەو وەرزەکەی بە ١٠ گۆڵ و نۆ ئەسیست کۆتایی پێھێنا و خەڵاتی باشترین یاریزانی لاوی وەرزەکەی وەرگرت.^[١٣][١٤]

٢٠٢٠–٢١

کولوسێڤسکی لە یەکەمین یاری خۆی بۆ یۆڤانتۆس لە ٢٠ی ئەیلوولی ٢٠٢٠دا گۆڵێکی تۆمارکرد لە بردنەوەی ٣–٠ لە یاریگای خۆیان بەرامبەر سامپدۆریا.^[١٥] لە ١٩ی ئایاری ٢٠٢١، گۆڵی یەکەمییارییەکەی تۆمارکرد و دواتر ئەسیستی گۆڵی سەرکەوتنی یارییەکەی بۆ کیسا کرد لە بردنەوەی ٢–١ بەرامبەر ئەتلەنتا لە یاری کۆتایی جامی ئیتاڵیا ٢٠٢١.^[١٦] لە وەرزی داھاتوودا، کولوسێڤسکی گۆڵی بردنەوەی تۆمار کرد لە یاری خولی پاڵەوانەکانی ئەورووپا بەرامبەر زێنیت سانت پیتەرزبێرگ بە گۆڵێک بە لێدانی سەر لە خولەکی ٨٦دا لە ٢٠ی تشرینی یەکەم.^[١٧] کاتی یاریکردنی کولوسێڤسکی کەمکرایەوە لەژێر ڕاھێنەرایەتی ماسمیلیانۆ ئەلێگری، ٢٠ یاری ئەنجامدا و دوو گۆڵی تۆمارکرد.

خواستن بۆ تۆتنھام ھۆتسپێر

لە ٣١ی کانوونی دووەمی ٢٠٢٢، کولوسێڤسکی بە خواستن بۆ ماوەی ١٨ مانگ نێردرا بۆ یانەی خولی پرێمیەرلیگ تۆتنھام ھۆتسپێر؛ بەھای خواستنەکە ١٠ ملیۆن یۆرۆ بوو، و بژاردەیەک بۆ کڕینی تەواوی تێدابوو، کە لەژێر مەرجێکی دیاریکراودا دەبێتە ناچاری و بە تێچووی زیادەی ٣٥ ملیۆن یۆرۆی تر.^[١٨] یەکەم یاری خۆی بۆ سپێرس لە ٥ی شوبات لە یاری جامی ئێف ئەی بوو بەرامبەر برایتۆن و ھۆڤ ئەلبیۆن، کە لە بردنەوەی ٣–١ دا بە یەدەگ ھاتە یاریگاوە.^[١٩] لە ١٩ی شوبات، کولوسێڤسکی یەکەم گۆڵی بۆ تۆتنھام تۆمارکرد لە خولەکی چوارەمی یارییەکە کە تۆتنھامی لە کۆتاییدا ٣–٢ بردییەوە بەرامبەر مانچێستەر سیتی.^[٢٠] لە وەرزی یەکەمیدا، کولوسێڤسکی توانی لە ١٣دا گۆڵدا بەشدار بێت^[٢١] (٥ گۆڵ و ھەشت ئەسیست) لە ١٨ یاری پریمەرلیگ.^[٢٢]

لە سوید لەدایکبووە لە دایک و باوکێکی مەقدۆنی لە ئۆھرید کولوسێڤسکی بۆ ھەموو ئاستەکانی لاوانی سوید یاری کردووە، ھەروەھا بۆ پێکھاتەی خوار ١٧ ساڵانی مەقدۆنیا یاری کردووە.^{[٢٣][٢٤][٢٥][٢٦]} بۆ یەکەم جار لە تشرینی دووەمی ٢٠١٩ بانگھێشت کرا بۆ ھەڵبژاردەی تۆپی پێی سوید بۆ یارییەکانی پاڵاوتنی پاڵەوانێتی یۆرۆ ٢٠٢٠ بەرامبەر ڕۆمانیا و دوورگەکانی فارۆ.^[٢٧] بۆ پێکھاتەی یەکەم، کولوسێڤسکی وتی ھەڵبژاردنی ھەڵبژاردەکە «کارێکی ئاسان» بوو، چونکە ھەمیشە حەزی لە نوێنەرایەتی سوید بووە.^[٢٨]

کولوسێڤسکی یەکەمین یاری خۆی بۆ سوید ئەنجامدا لە ١٨ی تشرینی دووەمی ٢٠١٩، وەک یەدەگ ھاتە یاریگا لە جێگەی کێن سیما لە بردنەوەی ٣–٠ بەرامبەر دوورگەکانی فارۆ لە کۆتا یاری قۆناغی پاڵاوتنەکانی پاڵاوتنی یۆرۆ ٢٠٢٠.^[٧][٢٩] لە ٨ی ئەیلوولی ٢٠٢٠، یەکەم یاری خۆی بۆ سوید ئەنجامدا، بۆ ماوەی ٩٠ خولەک یاریکرد پێش ئەوەی دابنیشێت بۆ ئەلبین ئیکدال لە دۆڕاندنی ٢–٠ بەرامبەر پورتوگال لە خولی نەتەوەکانی ئەورووپا.^[٣٠] لە ١٤ی تشرینی دووەمی ٢٠٢٠، کولوسێڤسکی یەکەم گۆڵی نێودەوڵەتی خۆی تۆمارکرد بەرامبەر کڕواتیا لە بردنەوەی ٢–١ لە یاریگای خۆیان لە خولی نەتەوەکان.^[٣١]

لە ٨ی حوزەیرانی ٢٠٢١، کولوسێڤسکی پشکنینەکەی پۆزەتیڤ بوو بۆ کۆڤید-١٩ لە کاتی بڵاوبونەوەی پەتاکە لە سوید، و لە یاری یەکەمی سوید لە پاڵەوانێتی یۆرۆ ٢٠٢٠ بەرامبەر ئیسپانیا لە ١٤ی حوزەران لە پێکھاتەکە دوورخرایەوە.^[٣٢]

یاریزانێکی باڵا بەرز، لە ڕووی جەستەیییەوە بەھێز و ھەمەچەشن، کولوسێڤسکی توانای یاریکردنی ھەیە لە چەندین ڕۆڵی ناوەڕاست و ھێرشبردندا، و وەک یاریزانێکی ناوەندی ھێرشبردن، وەک یاریزانێک بۆکس بۆ بۆکس (یاریگای خۆی بۆ بەرامبەر) وەک یاریکردن لە ھەر لایەکی باڵەکانی ھێرشبردنەوە، یان تەنانەت وەک یاریزانایەکی ناوەندی ھێرشبەر، ناسراوە بە ڕۆڵی مێزالا لە زمانی ئیتاڵی (بە ئینگلیزی " نیوە باڵ) پێگەی سەرەکی یاری کردنی وەک یاریزانێکی ناوەندی ھێرشبردن لە پشت ھێرشبەری سەرەکی.^[٣٣] ھەروەھا ھەندێ جار وەکک یاریزانێکی پێشەوەی ھێرشبردن یاری دەکات. تایبەتمەندییە سەرەکییەکانی بریتییە لە تێپەڕین، خێرایی، ھێز، و توانای گۆڕینی یاری یان دروستکردنی گۆڵ و لەڕێگەی تۆپەوە بۆ ھاوڕێیانی تیمەکە، بەھۆی بینین و توانای گواستنەوە. ھەروەھا تەکنیکی باشی ھەیە، شارەزایی تێپەڕین، و توانای لێدانی شوت، کە وای لێدەکات گۆڵ تۆمار بکات، جگە لە دروستکردنی دەرفەت بۆ ھاوڕێیانی تیمەکە.^{[٦][٣٤][٣٥][٣٦]}

بە یاریزانێکی گەشبین و بە باشی کار دەکات لە میدیاکاندا باس دەکرێت، ڕاھێنەرەکەی لە یانەی پارما، ڕۆبێرتۆ داڤێرسا، کوڵوسێڤسکی بە محەممەد سەڵاح بەراورد کردووە. ئەو ئاماژەی بەوە کرد کە یاریزانەکە «ھەموو کات لەنێو ئەو یاریزانانەدایە کە زۆرترین جێگا لە ھەموو یارییەکدا دەگرێتەوە» و «ھزرێکی ڕاستیان ھەیە».^[٦] کولوسێڤسکی سەرسامی خۆی بە ھاونیشتیمانی زلاتان ئیبراھیمۆڤیچ باس کرد کە کاریگەری لەسەری ھەیە.^[٦] سەبارەت بە شێوازی یاریکردنی خۆی، لە چاوپێکەوتنێکی ساڵی ٢٠١٩ لەگەڵ سپۆرت بلادێت (ڕۆژنامە) ڕای گەیاند: «من حەزدەکەم تۆپم لەلا بێت. کاتێک منداڵ بووم زۆر جار تێپەڕینم دەکرد، بەڵام باشتر بووم لە جوڵاندنی تۆپەکە بە خێراتر. من یاری بەرگری خۆمم پەرەپێداوە، ئەوە پێشتر لاوازییەک بوو، ئەمەش وای لێکردم ببم بە یاریزانێکی تەواوتر».^[٧][٣٧] ئەو ھەروەھا ئاماژەی بە یاریزانانی تۆپی پێی بەلجیکی کرد کە کێڤن دی برووین و ئێدین ھزارد وەک یاریزانێک کە ئەو ڕێزی لێ دەگیرێت و ھەوڵدەدات کە ئاستی لەوان بەرزتر بێت.^[٣٨]

یانە

ھەتا ٢٠ ئابی ٢٠٢٢^[٣٩]

نێودەوڵەتی

ھەتا ١٢ حوزەیرانی ٢٠٢٢^[٣٩][٤٠]

ھەتا match played 12 June 2022

یۆڤانتۆس

• جامی ئیتاڵیا: ٢٠٢٠–٢١
• جامی سوپەری ئیتاڵی: ٢٠٢٠

تاکەکەسی

• باشترین یاریزانی لاوی خولی ئیتاڵی: ٢٠١٩–٢٠^[١٤]

• دەروازەی ژیاننامە
• دەروازەی وەرزش
• دەروازەی تۆپی پێ