پاولۆ ڕۆسی

پاولۆ ڕۆسی (گۆکردنی ئیتاڵی: [ˈpa:olo ˈrossi];^[١][٢] لەدایکبووی ٢٣ ئەیلوولی ١٩٥٦ –مردن ٩ی کانوونی دووەمی ٢٠٢٠)یاریزانێکی پیشەگەری تۆپی پێی ئیتاڵییە و وەک ھێرشبەر یاری کردووە. لە ساڵی ١٩٨٢ ئیتاڵیا نازناوی جامی جیھانیی فیفای بردەوە و شەش گۆڵی تۆمارکرد و توانی پێڵاوی زێڕین بەدەستبھێنێت، ھەروەھا خەڵاتی تۆپی زێڕین بۆ باشترین یاریزانی پاڵەوانێتییەکە. ڕۆسی یەکێکە لەو سێ یاریزانە تەنھا، و تاکە ئەورووپییە کە ھەر سێ خەڵاتەکەی لە مۆندیالێکدا بەدەستھێناوە، لەگەڵ گارینچا لە ساڵی ١٩٦٢ و ماریۆ کەمپێس لە ساڵی ١٩٧٨. ھەروەھا ڕۆسی خەڵاتی تۆپی پێی ساڵی ١٩٨٢ ی وەک باشترین یاریزانی تۆپی پێی ئەورووپا پێبەخشرا بەھۆی ئاستە بەرزەکانییەوە (بە تاکە یاریزان لە مێژوودا ماوەتەوە کە لە یەک ساڵدا ئەم چوار خەڵاتە بەدەستبھێنێت). ھاوشانی ڕۆبێرتۆ باجیۆ و کریستیان ڤیێری گۆڵکاری ئیتاڵیایە لە جامی جیھانیی فیفادا، بە گشتی نۆ گۆڵی تۆمارکردووە.^[٣]

پاولۆ ڕۆسی
بە ئیتالی: Paolo Rossi
لەدایکبوون	٢٣ی ئەیلوولی ١٩٥٦ Prato، ئیتاڵیا
مردن	٩ی کانوونی یەکەمی ٢٠٢٠(٢٠٢٠-١٢-٠٩) (٦٤ ساڵ ژیاوە) Siena، ئیتاڵیا
وڵاتی وەرزش	ئیتالیا
ھۆی مەرگ	شێرپەنجەی سییەکان
شوێنی ناشتن	Vicenza
زمانی زگماکی	ئیتالی
زمانەکانی ئاخاوتن	ئیتالی
زمانی نووسین	ئیتالی
پیشە	یاریزانی تۆپی پێ، سیاسەتوان
شوێنی یاریکردن لە تیپ	ھێرشبەر
ئەندامی حیزبی	National Alliance
وەرزش	تۆپی پێ
بەشداربووە لە	جامی جیھانیی فیفای ١٩٨٦، جامی جیھانیی فیفای ١٩٨٢، جامی جیھانیی فیفای ١٩٧٨
خەڵاتەکان	World Cup Golden Ball، تۆپی زێڕین، L'Équipe Champion of Champions، Q44726364
وێبگە	http://pablitorossi.com
لە ویکیدراوە دەستکاریی زانیارییەکان بکە

ھەروەھا لەسەر ئاستی یانەکان ڕۆسی گۆڵکارێکی بەتوانای ڤیچێنزا بوو. لە ساڵی ١٩٧٦ لە یانەی ڤیچێنزاوە گرێبەستی ھاوبەشی بۆ یوڤێنتوس واژووکرد.^[٤] ڕۆسی یەکەم یاری خۆی لەگەڵ یوڤێنتوس لە ساڵی ١٩٨١ ئەنجامدا، دواتر دوو نازناوی خولی ئیتاڵیا و جامی براوەی جامی یەکێتی ئەورووپا و جامی سوپەری ئەورووپا و جامی خولی پاڵەوانەکانی ئەورووپا بەدەستھێنا. بە سەرکەوتن لەسەر ئاستی یانەکان و نێودەوڵەتی، یەکێکە لەو نۆ یاریزانەی کە نازناوی جامی جیھانیی فیفا و خولی پاڵەوانەکانی ئەورووپا و تۆپی ئاڵتوونی بەدەستھێناوە.

ڕۆسی بە شێوەیەکی بەرفراوان وەک یەکێک لە گەورەترین یاریزانانی تۆپی پێی ئیتاڵی لە ھەموو سەردەمێکدا دادەنرێت، لە ساڵی ٢٠٠٤ لەلایەن پێلێوە وەک یەکێک لە باشترین ١٢٥ یاریزانە زیندووەکانی تۆپی پێ وەک بەشێک لە ئاھەنگی ١٠٠ ساڵەی فیفا دەستنیشانکرا.^[٥] لە ھەمان ساڵدا ڕۆسی پلەی ١٢ی لە ڕاپرسییەکانی یۆبیلی زێڕینی یەکێتی ئەورووپا بەدەستھێنا. دوای ئەوەی وازی لە تۆپی پێ ھێنا، وەک شارەزایەک لە سکای سپۆرت و میدیاسێت پریمیۆم، و ڕای سپۆرت کاری کردووە، تا لە ٩ی کانوونی دووەمی ٢٠٢٠ کۆچی دوایی کردووە^[٦][٧]