کتێبخانە

کتێبخانە یان پەرتووکخانە (بە ئینگلیزی: Library) ھەڵبژاردەیەکی ڕێکخراوی سەرچاوەی زانیاری و بابەتی دیکەیە، کە سەرچاوەکانی لەلایەن شارەزایانەوە ھەڵبژێردراون و لەنێو بینایەک یان ماڵپەڕێک دانراون و خراونەتە بەردەستی کۆمەڵگەیەک تا کەڵک وەربگرن لەو زانیاری و سەرچاوانە.^[١][٢]

دەکرێت ھەڵبژاردەی پەرتووکخانەکان ھەریەک لە پەرتووک، ڕۆژنامە، دەستنووس، فیلم، نەخشە، بەڵگەنامە، سی دی، دی ڤی دی، پەرتووکی ئەلیکترۆنی، پەرتووکی دەنگی، داتابەیس و چەندین چەشنی دیکەی سەرچاوە لەخۆبگرێت.