James Collins (pêl-droediwr, g. 1983)
Chwaraewr pêl-droed Cymreig yw James Collins (ganwyd James Michael Collins 23 Awst 1983). Mae'n chwarae i West Ham United yn Uwchgynghrair Lloegr a thîm cenedlaethol Cymru.
Collins yn chwarae i West Ham United, Awst 2012 | |||
Gwybodaeth Bersonol | |||
---|---|---|---|
Enw llawn | James Michael Collins[1] | ||
Dyddiad geni | [1] | 23 Awst 1983||
Man geni | Casnewydd, Cymru | ||
Taldra | 1.88m[2] | ||
Safle | Amddiffynnwr | ||
Y Clwb | |||
Clwb presennol | West Ham United | ||
Rhif | 19 | ||
Gyrfa Ieuenctid | |||
?–2000 | Dinas Caerdydd | ||
Gyrfa Lawn* | |||
Blwyddyn | Tîm | Ymdd† | (Gôl)† |
2000–2005 | Dinas Caerdydd | 66 | (3) |
2005–2009 | West Ham United | 54 | (2) |
2009–2012 | Aston Villa | 91 | (5) |
2012– | West Ham United | 77 | (1) |
Tîm Cenedlaethol‡ | |||
2001 | Cymru dan 19 | 3 | (0) |
2002 | Cymru dan 20 | 2 | (0) |
2002–2004 | Cymru dan 21 | 8 | (0) |
2004– | Cymru | 51 | (3) |
* Cyfrifir yn unig: ymddangosiadau i Glybiau fel oedolyn a goliau domestg a sgoriwyd. sy'n gywir ar 16:35, 27 Ebrill 2015 (UTC). † Ymddangosiadau (Goliau). |
Gyrfa clwb
Dinas Caerdydd
Dechreuodd Collins ei yrfa fel chwaraewr ifanc â Dinas Caerdydd yn Awst 2000 a gwnaeth ei ymddangosiad cyntaf i'r tîm cyntaf mewn gêm yng Nghwpan FA Lloegr yn erbyn Bristol Rovers yn Nhachwedd 2000[3]. Gwnaeth 86 ymddangosiad dros Gaerdydd gan sgorio chwe gôl[3] a chafodd ei enwebu'n Chwaraewr Ifanc y Flwyddyn gan Gymdeithas Bêl-droed Cymru yn 2005[4].
West Ham United
Ymunodd Collins â West Ham United yng Ngorffennaf 2005, ynghyd â'i gyd chwaraewr o Gaerdydd, Danny Gabbidon, wrth i Alan Pardew dalu £3.5m am y pâr.[4]. Gwnaeth ei ymddangosiad cyntaf yn erbyn Sheffield Wednesday yng Nghwpan Cynghrair Lloegr ar 20 Medi 2005[5] a gwnaeth ei ymddangosiad cyntaf yn Uwch Gynghrair Lloegr ar 29 Hydref 2005 yn erbyn Lerpwl[6]. Sgoriodd ei gôl gyntaf i West Ham mewn gêm gyfartal 1-1 yn erbyn Portsmouth ar Wŷl San Steffan, 2005.[7].
Ar 28 Ionawr 2008, dioddefodd Collins anaf difrifol mewn gêm i ail dîm West Ham welodd o allan o'r gêm am naw mis[8].
Aston Villa
Ymunodd Collins ag Aston Villa ar 1 Medi 2009[9] gan wneud ei ymddangosiad cyntaf ar 13 Medi yn gêm ddarbi yn erbyn Birmingham City. Ym Mawrth 2011, cafodd Collins a'i gyd chwaraewr Richard Dunne eu dirwyo pythefnos o gyflog gan y rheolwr, Gérard Houllier, yn dilyn row "meddwol" gyda staff y clwb[10].
Dychwelyd i West Ham
Ar 1 Awst 2012, ail ymunodd Collins â West Ham United ar gytundeb pedair blynedd[11].
Gyrfa ryngwladol
Chwaraeodd Collins wyth o weithiau i dîm dan 21 Cymru gan arwain y tîm mewn gêm yn erbyn Yr Almaen dan 21 yn 2005[12].
Gwnaeth Collins ei ymddangosiad cyntaf dros Gymru yn erbyn Norwy yn 2004[13] ac roedd yn gapten ar ei wlad am y tro cyntaf yn y gêm gyfeillgar yn erbyn Sweden ym Mawrth 2010[3].
Ymddeoliad
Cyhoeddoedd ei ymddeoliad o bêl-droed ar 17 Hydref 2020. Yn 37 oed, nid oedd wedi chwarae ers gadael clwb Ipswich ym mis Mai 2019.[14]