Rishi Sunak

Gwleidydd o Sais yw Rishi Sunak (ganwyd 12 Mai 1980) sy'n brif weinidog y Deyrnas Unedig ac arweinydd y Blaid Geidwadol ers Hydref 2022. Roedd yn Ganghellor Trysorlys y Deyrnas Unedig rhwng Chwefror 2020 a Gorffennaf 2022.^[1]

Rishi Sunak
Ganwyd	12 Mai 1980  Southampton
Dinasyddiaeth	Lloegr
Addysg	Meistr Gweinyddiaeth Busnes
Alma mater	Prifysgol Stanford Coleg Lincoln, Rhydychen Ysgol Fusnes Stanford Coleg Caerwynt
Galwedigaeth	gwleidydd, dadansoddwr ariannol
Swydd	Aelod o Senedd 57 y Deyrnas Unedig, Aelod o Senedd 56 y Deyrnas Unedig, Aelod o 58ain Senedd y Deyrnas Unedig, Canghellor y Trysorlys, Prif Ysgrifennydd y Trysorlys, aelod o Gyfrin Gyngor y Deyrnas Unedig, Arweinydd y Blaid Geidwadol, Prif Weinidog y Deyrnas Unedig, Prif Arglwydd y Trysorlys, Gweinidog dros y Gwasanaeth Sifil, Gweinidog dros yr Undeb, Parliamentary Under-Secretary of State for Local Government
Cyflogwr	Goldman Sachs The Children's Investment Fund Management
Taldra	170 centimetr
Plaid Wleidyddol	y Blaid Geidwadol
Tad	Yashvir Sunak
Mam	Usha Sunak
Priod	Akshata Murty
Perthnasau	N. R. Narayana Murthy, Sudha Murthy
Gwobr/au	Ysgoloriaethau Fulbright
Gwefan	https://www.rishisunak.com/

Cafodd Sunak ei eni yn Southampton,^[2] yn fab hynaf i Yashvir ac Usha Sunak. Roedd ei dad Yashvir yn feddyg a'i fam Usha yn fferyllydd.^[3][4][5] Cafodd ei addysg yng Ngholeg Caerwynt ac yng Ngholeg Lincoln, Rhydychen. Priododd Akshata Murthy yn 2009.

Fe'i ddewiswyd fel ymgeisydd y Blaid Geidwadol dros etholaeth Richmond (Swydd Efrog) yn Hydref 2014, cyn sedd William Hague ac un o'r cadarnaf i'r Ceidwadwyr yng ngwledydd Prydain. Fe'i etholwyd fel Aelod Seneddol yn etholiad cyffredinol 2015. Daeth yn Ganghellor y Trysorlys yng nghabinet Boris Johnson ar 13 Chwefror 2020.

Ymddiswyddodd fel Canghellor ar 5 Gorffennaf 2022, yn dilyn ffrae am ymddygiad yr aelod seneddol Chris Pincher. Yn ei lythyr ymddiswyddo dywedodd ei fod yn anghytuno gyda'r Prif Weinidog, Boris Johnson, ar sut i ddelio gyda'r economi.^[1]