Agripina
Julia Agrippina (6a de novembro 15 – 23a de marto 59), Agripina aŭ Agripino, referencata ankaŭ kiel Agrippina la Juna (latine Agrippina Minor, "la plej malgranda", ofte uzata kiel "la plej juna"),[1] estis pova Romia imperiestrino kaj unu el la plej elstaraj kaj efektivaj virinoj de la Juli-Klaŭdia dinastio.
| Agripina | ||
|---|---|---|
| Romia imperiestrino | ||
 | ||
| Persona informo | ||
| Iulia Agrippina | ||
| Naskiĝo | 6-an de novembro 15 en Kolonjo | |
| Morto | 23-an de marto 59 (43-jaraĝa) en Miseno | |
| Mortis pro | mortpuno vd | |
| Lingvoj | latina vd | |
| Ŝtataneco | Roma regno vd | |
| Familio | ||
| Dinastio | Julia-Klaŭdia dinastio • Julioj-Cezaroj vd | |
| Patro | Germaniko vd | |
| Patrino | Vipsania Agrippina vd | |
| Gefratoj | Julia Drusilla • Julia Livilla • Kaligulo • Drusus Caesar • Nero Caesar • Gaius Julius Caesar Germanicus Major • Tiberius Julius Caesar Germanicus • Ignotus Julius Caesar Germanicus vd | |
| Edz(in)o | Klaŭdio • Gaius Sallustius Crispus Passienus • Gnaeus Domitius Ahenobarbus vd | |
| Infanoj | Nerono vd | |
| Profesio | ||
| Okupo | politikisto vd | |
| vd | Fonto: Vikidatumoj | |
Priskribo
Ŝia patro estis Germaniko, populara generalo kaj iam ŝajna heredanto de la Romia Imperio sub Tiberio; kaj ŝia patrino estis Vipsania Agrippina, nepino de la unua Romia imperiestro Aŭgusto Cezaro. Ŝi estis la plej juna fratino de la imperiestro Kaligulo, nevino kaj kvara edzino de la imperiestro Klaŭdio kiu sukcedis Kaligulon, kaj la patrino de la imperiestro Nerono, kiu sukcedis Klaŭdion.
Kaj antikvaj kaj modernaj fontoj priskribas la personecon de Agripina kiel senkompata, ambicia, violenta kaj dominema. Fizike ŝi estis bela kaj rimarkinda virino; laŭ Plinio la Maljuna, ŝi havis duoblan kojndenton en ŝia supra makzelo, signo de bona fortuno. Multaj antikvaj historiistoj akuzis Agripinon pro venenigo de ŝia edzo Klaŭdio, kvankam la rakontoj varias.[2] Dum la regado de sia edzo, ŝi estis efektiva kaj ĉefa povo malantaŭ la trono kaj poste dum mallonge ŝi estis la de facto reganto de la Romia Imperio dum la regado de sia filo, la imperiestro Nerono. En la jaro 59 Agripina estis ekzekutita pro ordono de Nerono.
En Esperanto
- Louis Couperus, La naŭmaĥio en Pri vagabondoj kaj friponoj, pri damoj kaj kavaliroj. Gladiatoroj partoprenas en naŭmaĥio, estrita de geimperiestroj Klaŭdio kaj Agripina.[3]
- Anna Löwenstein, La Memoraĵoj de Julia Agripina (2021) Antverpeno: FEL, 564 pp. ISBN 9789077066737.
Vidu ankaŭ
Notoj
Bibliografio
- Graves, Robert. Claudius, the god and his wife Messalina: the troublesome reign of Tiberius Claudius Caesar, Emperor of the Romans (born B.C. 10, died A.D. 54), as described by himself: also his murder at the hands of the notorious Agrippina (mother of the Emperor Nero) and his subsequent deification, as described by other. OCLC 178197.
- Tacitus, Analoj, xii.1–10, 64–69, xiv.1–9
- Suetonius, De vita Caesarum – Claudius v. 44 kaj Nero v. 5.3, 28.2, 34.1–4