Cardeñuela Riopico
Cardeñuela Riopico [kardeNJŬEla rioPIko] estas loĝloko kaj municipo en la centro de la provinco Burgoso, en la regiono Kastilio-Leono, Hispanio. Ĝi apartenas al la komarko Alfoz de Burgos.
| Cardeñuela Riopico | |||
|---|---|---|---|
 | |||
| municipo en Hispanio | |||
|
| ||
| Flago | Blazono | ||
| Administrado | |||
| Poŝtkodo | 09192 | ||
| En TTT | Oficiala retejo [+] | ||
| Demografio | |||
| Loĝantaro | 109 (2023) [+] | ||
| Loĝdenso | 10 loĝ./km² | ||
| Geografio | |||
| Geografia situo | , 3° 33′ U (mapo)42.359722222222-3.5577777777778 [+] | ||
| Alto | 933 m [+] | ||
| Areo | 11,3 km² (1 130 ha) [+] | ||
| Horzono | UTC+01:00 [+] | ||
| |||
| |||
| |||
| Alia projekto | |||
 Vikimedia Komunejo Cardeñuela Riopico [+] | |||
Geografio
Ĝia municipa teritorio okupas totalan areon de 11,30 km² kaj laŭ la demografia informo de la municipa censo fare de la INE en 2021, ĝi havis 109 loĝantojn. Ĝi perdis loĝantojn dum la 20-a jarcento pro migrado al urbaj areoj, kiel ja okazis en multaj loĝlokoj de la regiono, sed poste rekuperiĝis pro la proksimeco al la provinca ĉefurbo, fakte unue malpliiĝis el 300 loĝantoj ĝis nur 70 en 1991 kaj poste duobliĝis.
Ĝi distas 12 km de Burgoso, provinca ĉefurbo, kaj estas trafluata de la rivero Pico, kiu nomas la lokon. La municipo enhavas la loĝlokon Villalval [biljalBAL].
Historio
La areo apartenis unue al la Regno Kastilio. En Mezepoko okazis reloĝado fine de la 9-a jarcento.
Cardeñuela Riopicos formis parton de la Alfoz y Jurisdicción de Burgos en la partido de Burgos, unu el dek kvar kiuj formis la komunumon Intendencia de Burgos. La abato de la Monaĥejo de Sankta Petro de Kardenjo estis ordinara urbestro.
Aktualo
Tradiciaj enspezofontoj estis agrikulturo (cerealoj) kaj brutobredado (ŝafoj). Lastatempe plej ekgravis kultura kaj rura turismo, ekzemple piedirado tra naturaj lokoj kaj servoj kiel dormurbo. Inter vidindaĵoj menciindas la preĝejo de Sankta Eŭlalia kun grava retablo.