Muri (distrikto)
La distrikto Muri estas administra unuo de Kantono Argovio. Ĝi havis 30538 loĝantojn la 31-an de decembro 2007. Ĝia ĉefloko estas la samnoma komunumo Muri.
| Muri | |
|---|---|
 | |
 | |
 | |
| Distriktoj de Kantono Argovio | |
| Kantono | Argovio |
| Ĉefloko | Muri |
| Geografia situo | 667709 / 235470 (mapo)47.2666666666678.333333333333347° 16′ N, 8° 20′ O; CH1903: 667709 / 235470 (mapo) |
| |
| Nombro de loĝantoj | 30538 (2007-12-31) |
| Areo | 138,96 km² |
| Loĝantardenseco | 219,76 loĝantoj/km² |
| Federacia Kodo | 1908 |
Geografio
La distrikto Muri situas en la sudoriento de Kantono Argovio. Ĝian orientan limon formas la rivero Reuss de la suda pinto ĝis tute en la nordo. La distrikto etendiĝas sur areo de 138,96 km².
Najbaraj distriktoj
La distrikto Muri limas en nordo al la distrikto Bremgarten, en oriento al la distrikto Affoltern (Kantono Zuriko), en sudoriento al Kantono Zugo (kiu ne havas distriktan subdividon), en sudo al la distrikto Lucerno (Kantono Lucerno), en okcidento al la distrikto Hochdorf (Kantono Lucerno), kaj en nordokcidento al la distrikto Lencburgo.
Historio
Dum mezepoko en la regiono ĉirkaŭ Muri regis la Habsburgoj. Plej grava bienposedanto en Muri kaj la ĉirkaŭaj vilaĝoj estis la Monaĥejo Muri, kiu estis ankaŭ ĉiam la centro de la regiono. Kiam en la jaro 1415 Argovio estis konkerita fare de la Svisa Ĵurkomunumo la teritorio de la hodiaŭa distrikto Muri konkgruis kun la ekstera parto de la Libera Distrikto, kiu estis teritorio sub komuna regado kaj servuto de la tiamaj membroj de la Svisa Ĵurkomunumo. La distrikto Muri estiĝis 1798 post la Helveta Revolucio kiel distrikto de la helveta Kantono Baden kaj en 1803 fariĝis distrikto de la nova Kantono Argovio, al kiu la kantono Baden estis integrita. Antaŭ la helveta revolucio la hodiaŭa distrikto formis parton de la tiel nomita Libera Distrikto (germane Freiamt) de la Grafejo Baden, nomo kiu ĝis hodiaŭ konserviĝis por la regiono.
Trafiko
Tra la distrikto pasas la fervojlinio de Svisaj Federaciaj Fervojoj de Lencburgo al Rotkreuz, linio de la iama Sudfervojo. Por la fajna distribuo zorgas diversaj poŝtaŭtolinioj. Pri aŭtoŝosekonekto la distrikto ne disponas.
Komunumoj de la distrikto Muri
La distrikto Muri konsistas el 19 komunumoj (stato 2013). Jen la aktuala listo:
| Blazono | Nomo | Loĝantoj (2007-12-31) | Areo en km² | Komunumkodo |
|---|---|---|---|---|
 | Abtwil | 726 | 4.14 | 4221 |
 | Aristau | 1283 | 8.64 | 4222 |
 | Auw | 1559 | 8.61 | 4223 |
_COA.svg){kind=small} | Beinwil (Freiamt) | 1025 | 11.29 | 4224 |
 | Besenbüren | 592 | 2.38 | 4226 |
 | Bettwil | 573 | 4.25 | 4227 |
 | Boswil | 2375 | 11.78 | 4228 |
 | Bünzen | 954 | 5.77 | 4229 |
 | Buttwil | 1164 | 4.61 | 4230 |
 | Dietwil | 1072 | 5.49 | 4231 |
 | Geltwil | 188 | 3.28 | 4232 |
 | Kallern | 316 | 2.67 | 4233 |
 | Merenschwand | 3349 | 13.51 | 4234 |
 | Mühlau | 997 | 5.52 | 4235 |
 | Muri | 6670 | 12.34 | 4236 |
 | Oberrüti | 1213 | 5.37 | 4237 |
 | Rottenschwil | 826 | 4.49 | 4238 |
 | Sins | 3686 | 20.28 | 4239 |
 | Waltenschwil | 2275 | 4.54 | 4240 |
| Totale (20) | 30'538 | 138.96 | 1908 |
Iamaj komunumoj de la Distrikto Muri
La komunumo Benzenschwil kun efiko de la 1-a de januaro 2012 estis integrita al la komunumo Merenschwand:
| Blazono | Nomo | Loĝantoj (2007-12-31) | Areo en km² | Komunumkodo |
|---|---|---|---|---|
 | Benzenschwil | 547 | 2.46 | 4225 |
Eksteraj ligiloj
- Vidu ankaŭ en la Vikimedia Komunejo la kategorion Distrikto Muri – (Kolekto de bildoj kaj plurmediaj dosieroj)
- Oficiala retejo de la distriktoficejo Muri Arkivigite je 2009-08-21 per la retarkivo Wayback Machine