Nacia Galerio de Kanado
La Nacia Galerio de Kanado (angle National Gallery of Canada, france Musée des beaux-arts du Canada) situas en la ĉefurbo de Otavo, Ontario kaj estas unu el la ĉefaj artgalerioj en Kanado [1].
| Nacia Galerio de Kanado | |||||
|---|---|---|---|---|---|
  | |||||
| arta muzeo • nacia muzeo | |||||
| Lando | Kanado vd | ||||
| Situo | Otavo | ||||
| Adreso | 380 Sussex Drive, Ottawa, ON, Canada K1N 9N4 | ||||
| Situanta sur | Sussex Drive | ||||
| Arkitekto(j) | Moŝe Safdie vd | ||||
| Estiĝo | 1880 | ||||
| Direktoro | Marc Mayer • Jean Sutherland Boggs | ||||
| Koordinatoj | , 75° 41′ 54″ U (mapo)45.429434-75.69838645° 25′ 46″ N, 75° 41′ 54″ U (mapo) | ||||
| |||||
 Nacia Galerio de Kanado | |||||
| Jaraj vizitantoj: | 237 391 (2014) | ||||
| |||||
| |||||
| Retpaĝo | https://www.gallery.ca/ | ||||
La galerio troviĝas en konstruaĵo farita el kombinaĵo de vitro kaj granito sur Sussex Drive kun vido de la konstruaĵoj de la Kanada Parlamento sur Parliament Hill. La konstruaĵo estis dezajnita fare de la arkitekto Moshe Safdia kaj malfermita en 1988. La antaŭa direktoro de la galerio, Jean Sutherland Baggs, estis speciale selektita fare de ĉefministro Pierre Elliott Trudeau por kontroli la konstruadon de la galerio kaj la naciaj muzeoj.
Historio
.jpg)
La galerio unue estis fondita en 1880 fare de la Ĝenerala Guberniestro de Kanado, John Campbell, 9-a Duko de Argyll, kaj en 1882, translokiĝis al sia unua loko sur Parliament Hill en la konstruaĵo de la Suprema Kortumo de Kanado [2]. En 1911 la galerio translokiĝis al la Viktoria Muzeo, hejmo de la nuna Kanada Muzeo de Naturhistorio. En 1913, la unua leĝo estis pasigita por naciaj galerioj kiuj skizis la mandaton kaj resursojn de la galerio. En 1962, la galerio translokiĝis al la Loren konstruejo, oficeja konstruaĵo sur strato Elgin proksime de la Brita alta komisiulo (en). Poste la muzeo translokiĝis al sia nuna konstruaĵo sur Sussex Drive en 1988 [3][4].
En 1985, La Kanada Muzeo de Nuntempa Fotarto (CMCP), kiu estas aligita kun la Nacia Galerio, estis fondita apud la Château Laurier.
En 2000, la Reĝa Arkitektura Instituto de Kanado elektis la Nacian Galerion kiel unu el la 500 plej rimarkindaj konstruaĵoj, kiuj estis konstruitaj en Kanado dum la dua jarmilo.
Kolekto
La galerio havas grandan kaj varian kolekton de pentraĵoj, desegnaĵoj, presaĵoj, skulptaĵoj kaj fotoj. Kvankam ĝi temigas kanadan, indianan [5] kaj inuitan arton [6], ĝi tenas verkojn de multaj usonaj kaj eŭropaj artistoj. Ĝi havas elstaran modernan artkolekton kun kelkaj el la plej famaj verkoj de Andy Warhol, same kiel verkoj de Francis Bacon, Gian Lorenzo Bernini, Georges Braque, Paul Cézanne, John Constable Marc Chagall, Honoré Daumier Gustav Klimt, Salvador Dalí, Honore Daumier, Thomas Lawrence, Fernand Léger, René Magritte, Simone Martini, Henri Matisse, Piet Mondriaan, Claude Monet, Pablo Picasso, Camille Pissarro, Rembrandt, Auguste Rodin kaj Jackson Pollock [7][8].
En 2005, statuo de giganta araneo, nomita Maman (Patrino), fare de skulptisto Louise Bourgeois estis instalita sur la placo antaŭ la galerio. En 2011, kurantaj ĉevalskulptaĵoj de la kanada skulptisto Joe Pappard estis aldonitaj al la galerienirejo.
La kanada kolekto estas la plej ampleksa en Kanado, kaj enhavas verkojn de Tom Thomson [9], Emily Carr kaj Alex Colville [10] kaj de membroj de la Grupo de Sep (en).
Ĝis 1971, la Nacia Galerio ankaŭ enhavis kio estis origine nomita la Beaverbrook Kolekto de Milito-Arto. Tiu kolekto, nomita laŭ la kanada eldonisto kaj politikisto Max Aitken, konsistis el proksimume 5,000 verkoj kiam ĝi estis donacita al la Kanada Militmuzeo .
La galerio organizas ekspoziciojn kiuj vojaĝas tra Kanado kaj pretere, kaj spektakloj aranĝitaj ĉirkaŭ la mondo, ofte komune kun aliaj naciaj galerioj kaj muzeoj. La galeria kolekto estis konstruita per aĉeto kaj donacoj.
Referencoj
Eksteraj ligiloj
- https://www.beaux-arts.ca/ Oficiala retejo
- Nacia Galerio de Kanado ĉe "Structurae"
- Nacia Galerio de Kanado ene de Google Arto & Kulturo