Stand by Me Doraemon
Stand by Me Doraemon (aŭ STAND BY ME ドラえもん, esperante: Restu ĉe mi, Doraemon) estas japana komputil-generita animacia filmo de 2014, bazita sur la japana mangao kaj animeo Doraemon fare de Fujiko F. Fujio ekde 1969. La reĝisoro de la filmo estis Takashi Yamazaki kaj ĝi premieris la 8-an de aŭgusto 2014 en Japanio.[2]
| Restu ĉe mi, Doraemon | |
|---|---|
| longa movbilda filmo • tridimensia filmo | |
| Originala titolo | STAND BY ME ドラえもん |
| Produktadlando | Japanio |
| Originala lingvo | la japana |
| Kina aperdato | 8-a de aŭgusto 2014 |
| Daŭro | 95 min |
| Ĝenro | Fantasto, animacio |
| Buĝeto | 35.000.000 USD [1] |
| Reĝisoro(j) | Takashi Yamazaki Ryuichi Yagi |
| Scenaro | Takashi Yamazaki |
| Muziko de | Naoki Sato |
| Rolantoj | sen valoro |
| Produktinta firmao | Okura Shunsuke Keiichiro Moriya Kiyoko Shibuya Maiko Okada |
| Distribuo | Toho |
| Honorigoj | Japan Academy Prize for Animation of the Year |
| IMDb | |
Stand by Me Doraemon estis komerca sukceso en sia devenlando. Ĝi atingis la unuan lokon en la kinejajn listojn dum kvin sinsekvaj semajnoj kaj ĝi havis la duan plej bonan enspezon de la jaro 2014 (183 milionoj da dolaroj), nur malantaŭ la Disneja Frozen.[3] Por la filmo estis komponita kanto Himawari no Yakusoku (ひまわりの約束, laŭlitere "Sunflora promeso"), interpretita de Motohiro Hata.
Ĝia sekvaĵo estis lanĉita la 20-an de novembro 2020.
Intrigo
Nobita Nobi estas kvinaklasano kiu daŭre akiras malaltajn notojn pro sia mallaboremo. Lia prapranepo Sevaŝi observas ĉion en la 22-a jarcento, kaj iras al la pasinteco por doni al Nobita robotan katon nomatan Doraemon. Sevaŝi esperas, ke Doraemon helpos plibonigi la estontecon de Nobita, kaj la roboto nur revenos al la 22-a jarcento kiam Nobita certigos al si bonan estontecon.
Nobita ade petas estontecajn inventaĵojn al Doraemon por solvi siajn problemojn. Li estas enamiĝinta al samklasano Ŝizuka Minamoto, sed ĉiuj siaj klopodoj igas Ŝizuka-n pli proksima al Hidetoŝi Dekisugi, elstara studanto. Nobita provas egali Hidetoŝi-n per studado, sed liaj provoj estas senutilaj kaj li fine decidas forlasi Ŝizuka-n por ke ŝi estu pli feliĉa apud alia pli taŭga viro. Ĉi tiu mensa ŝanĝo helpis aliformigi la estontecon de Nobita, kaj nun li edziĝus kun Ŝizuka en la estonteco.
Ĉi tiel, la komisio de Doraemon finiĝis kaj li havas 48 horojn por adiaŭi Nobita-n kaj reveni al la 22-a jarcento.
Voĉaktoroj
| Nomo | Japana voĉaktoro |
|---|---|
| Doraemon | Wasabi Mizuta |
| Nobita Nobi | Megumi Ohara Satoshi Tsumabuki (plenkreska) |
| Ŝizuka Minamoto | Yumi Kakazu |
| Takeŝi "Gian" Goda | Subaru Kimura |
| Suneo Honekava | Seki Tomokazu |
| Patrino de Nobita | Kotono Mitsuishi |
| Patro de Nobita | Yasunori Matsumoto |
| Patrino de Gian | Miyako Takeuchi |
| Sevaŝi | Sachi Matsumoto |
| Jaiko Goda | Vanilla Yamazaki |
| Hidetoŝi Dekisugi | Shihoko Hagino |
| Instruisto | Wataru Takagi |
| Patro de Ŝizuka | Aruno Tahara |
Referencoj
Eksteraj ligiloj
- Oficiala retejo japane
- Unua antaŭfilmo en YouTube japane
- Oficiala filmretejo Arkivigite je 2015-05-05 per la retarkivo Wayback Machine ĉe Toho japane
- Oficiala retejo itale
