Valle de Manzanedo

Ĝia municipa teritorio okupas totalan areon de 70,44 km² kaj laŭ la demografia informo de la municipa censo fare de la INE en 2021, ĝi havis 132 loĝantojn. Ĝi perdis multajn loĝantojn dum la 20-a jarcento pro migrado al urbaj areoj, kiel ja okazis en multaj loĝlokoj de la regiono, fakte perdis 1 250 loĝantojn el la 1940-aj jaroj. En la la 1940-aj jaroj oni atingis pinton de 1 388 loĝantoj.

Ĝi distas 77 km de Burgoso, provinca ĉefurbo.

La municipo enhavas 15 loĝlokojn el kiuj tri (ELM, entidades locales menores) estas submunicipoj. La loĝlokoj estas jenaj: Argés, Arreba (ELM), Cidad de Ebro, Consortes, Crespos, Cueva de Manzanedo, Manzanedillo, Manzanedo (ELM), Peñalba de Manzanedo, Población de Arreba (ELM), Rioseco, San Martín del Rojo, San Miguel de Cornezuelo, Vallejo de Manzanedo kaj Villasopliz. La tri submunicipoj estas jenaj: Arreba, Manzanedo kaj Población de Arreba.

La areo apartenis unue al la Regno Kastilio. En Mezepoko okazis reloĝado. Ludis gravan historian rolon la nun abandonita Monaĥejo de Santa María de Rioseco kiel centra akso en la disvolvigo de granda parto de Valle de Manzanedo. Tiu cistera monaĥejo dominis grandparte la nordon de Burgoso. La Monaĥejo estis tre prospera, sed estis vendita per la desamortización de Mendizábal, kaj ekde tiam ties influo ekdekadencis. La tuta komplekso de la monaĥejo estis abandonita en la 1960-aj jaroj, kio rezultis en la nuntempa ruino. Ĉiuokaze antaŭ la establado de la monaĥejo, la pra-ermitoj jam loĝis en la Valo, kiel atestas ekzemple la pra-ermitejo de Argés.

Tradiciaj enspezofontoj estis agrikulturo (cerealoj, forstado) kaj brutobredado (bovoj, ŝafoj kaj ĉevaloj). Lastatempe funkciado de servoj plej ekgravis, kune kun kultura kaj rura turismo, ekzemple piedirado tra naturaj lokoj.

Inter vidindaĵoj menciindas la diversaj preĝejoj kaj ermitejoj.

Estas 23 ventogeneratoroj de la entrepreno CESA.

• 
  Enirejo al la Pra-ermitejo de Argés.
• 
  Altaro de la Pra-ermitejo de Argés.
• 
  Arreba.
• 
  Cidad de Ebro.
• 
  Consortes.
• 
  Romanika preĝejo de Crespos.
• 
  Cueva de Manzanedo.
• 
  Cueva de Manzanedo sub neĝo.
• 
  Peñalba de Manzanedo.
• 
  Población de Arreba.
• 
  Monaĥejo de Sankta Maria de Rioseco.
• 
  Monaĥejo de Sankta Maria de Rioseco.
• 
  Detalo de la klostro de la Monaĥejo de Sankta Maria de Rioseco.
• 
  Preĝejo de San Miguel de Cornezuelo.
• 
  Detalo de la preĝejo de San Miguel de Cornezuelo kun la bildo de Sankta Mikaelo luktanta kontraŭ Malbono.

• Municipoj de la provinco Burgoso